काठमाडौं । काठमाडौंको यूनियन पार्क नजिकैको बस्ती ठूलो जोखिममा परेको छ । शुक्रबार रातिदेखिको अबिरल वर्षाका कारण बागमती नदिको बहाब बढ्दा काठमाडौंका अधिकांश बस्तीहरु जोखिममा परेका हुन् । यसले काठमाडौंको यूनिएन पार्क नजिकको बस्ती पनि ठूलो जोखिममा परेको छ ।

युनिएन पार्क करिडोरमा रहेको पाँचतले बिल्डिङभित्र पनि पानी पसेको छ । युनिएन पार्क नजिकै हालै बनेको पाँच तारे घरको पार्किङमा बागमती नदिको पानी पसेको छ । सो पार्किङमा पार्किङ गरिएका तीन वटा मोटरसाइकल पनि डुबेका छन् ।

बागमती नदिको पानी सडक हुँदै घरको पार्किङमा पस्दा पार्किङमा राखिएका सवारीहरू डुबेको सुरक्षाकर्मीले बताएका छन् । अहिले स्थानीय र सुरक्षाकर्मीहरुले सो स्थानमा कडा निगरानी गरिरहेका छन् भने घरभित्र रहेका मानिसलाई सुरक्षा सतर्कता अपनाउन पनि आग्रह गरिरहेका छन् ।

यहाँका कतिपय सडकमा पानी जमेर आवागमन प्रभावित भएको छ । वर्षा र बाढीबाट हुनसक्ने क्षतिप्रति सचेत रहन सरकारले आग्रह पनि गरेको छ ।

काठमाडौं उपत्यकामा रहेका सशस्त्र प्रहरी बल नेपालका एकाइबाट विभिन्न इलाकामा टोली परिचालन गरिएको सशस्त्र प्रहरीका सहायक प्रवक्ता शैलेन्द्र थापाले जानकारी दिए ।

उपत्यकाको टेकु, गोकर्णेश्वर, बल्खु, विष्णुमति, थापाथली, शङ्खमूल, मनोहरा, धोबीखोला, जडीबुटी मनोहरा खोला तथा पशुपतिक्षेत्रसहित जोखिमयुक्त क्षेत्रमा प्रहरी परिचालित गरिएको जनाइएको छ ।

सम्बन्धित शिषर्कहरु

राप्रपाले प्रधानमन्त्री दाहाललाई विश्वासको मत नदिने

राजनीतिक स्थायित्वका लागि नयाँ समीकरण

असार मसान्तसम्म भुक्तानी नभए निर्णायक संघर्ष गर्ने निर्माण व्यवसायी महासंघको चेतावनी

गृहमन्त्री लामिछानेको नाम लिएर भिजिट भिसामा मान्छे विदेश पठाउन दबाब दिने गृहकै कर्मचारी पक्राउ

एक अर्बको लगानीमा चिस्यान केन्द्र निर्माण गरिँदै

मान्छे विदेशिँदा देशका ५ लाख घर खाली भए