काठमाडौं । प्रधानमन्त्री केपी शर्मा ओलीले सौर्य एयरलाइन्सको जहाज दुर्घटनाप्रति दुःख व्यक्त गरेका छन् । बुधबार सामाजिक सञ्जाल फेसबुकमार्फत प्रधानमन्त्री ओलीले उक्त दुर्घटनाप्रति दुःख व्यक्त गर्दै धैर्य रहन अनुरोध गरेका हुन् ।

‘नियमित प्राविधिक परीक्षणका लागि पोखरा उड्न लाग्दा सौर्य एयरलाइन्सको जहाज दुर्घटनामा १८ जना प्राविधिक र क्रु मेम्बरको निधनले अत्यन्त दुःख लागेको छ, नागरिक उड्ययन प्राधिकरणका अधिकारीलाई भेटेर यसको कारण बुझ्न घटनास्थल आइपुगेको छु, अहिले विमानस्थल सञ्चालनमा आइसकेको छ, यो दुःखद घडीमा सबैलाई धैर्य रहन अनुरोध गर्दछु,’ उनले लेखेका छन् ।

सौर्य एयरको विमान दुर्घटनाबारे जानकारी लिन प्रधानमन्त्री केपी शर्मा ओली दुर्घटनास्थल पुगेका थिए ।

बुधबार बिहान सौर्य एयरलाइन्सको उक्त जहाज प्राविधिक परीक्षणका लागि काठमाडौंबाट पोखरा विमानस्थलतर्फ जाने क्रममा त्रिभुवन अन्तर्राष्ट्रिय विमानस्थलको रनवे ०२ तर्फबाट उडेको र पूर्वतर्फ रनवे २० नजिकै दुर्घटनामा परेको थियो ।

सम्बन्धित शिषर्कहरु

वडा सदस्यसहित २ जना पहिरोमा पुरिए

लक इन अवधि सकिएको ६ महिनामै ग्रीन लाइफ हाइड्रोबाट बाहिरिँदै ग्रीन लाइफ

रूस र चीनको त्रासमा बेलायत र अमेरिका, विश्व व्यवस्थामाथि खतरा बढेको चेतावनी

झाडा लागेर एकजनाको मृत्यु

आज ऋषिपञ्चमी पर्व मनाइँदै

पाहुनाको पर्खाइमा मुस्ताङको स्याङगाउँ