जनकपुरधाम । नेपाल–भारत सहयोगमा निर्माणाधीन मोतिहारी–बारा–अम्लेखगञ्ज पेट्रोलियम पाइप लाइन परियोजनाअन्तर्गत दोस्रो चरणको काम प्रायः पूरा भएको छ । नेपाल आयल निगमले उक्त परियोजनाको ९० प्रतिशत काम पूरा भएको जनाएको छ ।

निगमको मधेस प्रदेश प्रादेशिक कार्यालय अमलेखगञ्जका प्रमुख विनितमणि उपाध्यायका अनुसार मोतिहारी–अमलेखगञ्ज पेटोलियम पाइप लाइन परियोजनाअन्तर्गत दोस्रो चरणको मुख्य ट्याङ्की चार हजार एक किलोलिटर क्षमताका दुईवटा ट्याङ्की निर्माण पूरा भएको तथा अन्य प्राविधिक काम दुई महिनाभित्र सम्पन्न गर्नेगरी द्रुतगतिमा भइरहेको छ ।

पेट्रोलियम पदार्थको भण्डारणसँगै पाइप लाइन जडानकार्य पनि अन्तिम चरणमा पुगेको छ । परियोजनामा सरकारको एक अर्ब ५४ करोड रुपैयाँ तथा भारत सरकारको ६० करोड रुपैयाँ लगानी छ ।

सम्बन्धित शिषर्कहरु

इभीको यात्रा सहज तर भाडादर उस्तै हुनु दुर्भाग्य !

४ महिनापछि कमलादीको कलभर्ट निर्माण पूरा, यातायात आवागमनमा सहज

सुरुङमय बन्दै नेपाल : कति बने, कहाँ-कहाँ बन्दैछन् ?

जापानको सहयोगमा हुम्लामा बालगृह निर्माण, लागत १ करोड ३५ लाख

वीरगञ्जबाट डिजेल आयात घट्यो, निर्माण क्षेत्र ठप्प रहेकाले आयात घटेको अध्यक्ष सिंहको भनाइ

राधी विद्युतको लाभांश घोषणा, बोनस कति ?