चितवन । यातायात व्यवस्था कार्यालय भरतपुरबाट १९ हजार ७४ जनाले सवारी चालक अनुमतिपत्र लिएका छन् । कार्यालयले विसं २०८० वैशाख ४ गतेदेखि सवारी चालक अनुमतिपत्र दिन सुरु गरेको थियो । उनीहरूले नयाँ र वर्ग थप गरेर सवारी चालक अनुमतिपत्र लिएका हुन ।

कार्यालयका प्रशासकीय अधिकृत सुरेशकुमार चपाईका अनुसार कार्यालयबाट सवारी चालक अनुमतिपत्र प्रदान तथा नवीरण गर्दै आएको छ ।

सो अवधिमा १४ हजार ९०५ जनाले सवारी चालक अनुमतिपत्र नवीकरण गरेको उनले बताए । यस कार्यालयबाट मोटरसाइकल, स्कुटर, कार, जीप, ट्याम्पो, ई रिक्सा, ट्याक्टर, मिनिबस, बस÷ट्रक, एक्साभेटर र व्याकुलोडर लगायतको सवारी चालक अनुमतिपत्र दिइने गरिएको छ ।

उनले भने, ‘यहाँबाट अत्याधिक मात्रामा मोटरसाइकल, स्कुटर र कार, जीपको सवारीचालक अनुमतिपत्र लिने गरेका छन् ।’

यस जिल्लामा अध्ययन वा रोजगारीको सिलसिलामा आएका जो कोहीले पनि सवारी चालक अनुमतिपत्रका लागि आवेदन दिने गरेको उनले बताए ।

अधिकृत चपाईका अनुसार सवारी साधनको प्रमाण पुर्जाको प्रतिलिपि ७१ जनाले लिएका छन् ।

गत आर्थिक वर्षमा सवारी दर्ता १३ हजार ९०९ वटा भएको छ । सवारी दर्ता प्रक्रिया सुरु भएसँगै यस कार्यालयबाट हालसम्म २९ हजार ११ जनाले सवारी साधन दर्ता गराएका छन् ।

कार्यालयले गत आर्थिक वर्षमा ८८ करोड २० लाख रुपैयाँ राजस्व संकलन गरेको छ ।

सम्बन्धित शिषर्कहरु

सरकारी वकिलको कार्यालयमा रविको वयान सुरु

पोखराको बाँझो जग्गामा कागतीखेती, आय बढाउने र रोजगारी सृजना गर्ने

नामी ईभीको मूल्य १ लाख रुपैयाँसम्म बढ्यो

नेपालले ३० मिलियन टन कार्बन बेच्ने, के हो कार्बन व्यापार ?

कर्मचारीतन्त्र भित्रको चित्र ‘९६ गड्डी’

आजदेखि मौन अवधि सुरु, के गर्न पाइँदैन ?