काठमाडौं । विराटनगरको एसिएन बिस्कुट इन्डस्ट्रिजले कोदोको पिठोबाट बिस्कुटको उत्पादन सुरु गरेको छ । कम्पनीले उत्पादनसँगै कोदोको बिस्कुटको बजारीकरण समेत गरेको जनाएको छ ।

नेपालमा कर्पोरेट लेभलबाट पहिलो पटक एसियन बिस्कुटले कोदोको उत्पादन सुरु गरेको कम्पनीको दाबी छ । हालसालै मात्र कोदोको उत्पादन सुरु गरिएको उद्योगका सञ्चालक आशिष जाजूले बताए ।

‘उद्योगमा पहिलेदेखिको लगानी थियो । त्यसलाई थप मात्र गरेका हौं,’ उनले भने, ‘यसलाई हामीले भारततर्फ निर्यात गर्ने लक्ष्य पनि लिएका छौं । यसका लागि काम सुरु गरिसकेका छौं  ।’ उद्योगले नेपालमै पहाडी क्षेत्रमा उत्पादित कोदो कच्चा पदार्थका रूपमा प्रयोग गर्ने जनाइएको छ ।

उद्योगले ५० ग्रामको बिस्कुटको खुद्रा बिक्री मूल्य २५ रुपैयाँ राखेको छ । जाजूले यसलाई भारत निर्यातका लागि काम सुरु भइसकेको बताए ।

‘नेपालमा बिक्री गरिने बिस्कुटमा कोदो लेखिएको छ तर भारतमा कोदो लेखेर त्यहाँका अधिकांशले बुझ्दैनन्,’ उनले भने, ‘त्यसैले त्यहाँ मिलेट र रागी लेखिएको छु‌ट्टै पाकेट बनाएर निर्यात गरिनेछ ।’

उनले भारतीय बजारमा कोदोको बिस्कुटको नमु‌ना पठाइसकिएको र त्यहाँबाट छिटो पठाइदिन अर्डर आएको जानकारी दिए ।

उनले एसियनले विभिन्न ३० प्रकारका बिस्कुटको उत्पादन र निर्यात गर्दै आएको जानकारी दिए । जसमा स्विट बिस्कुट, स्विट एन्ड साल्टी, साल्टेड, सुगर फ्री, पोटेटो बिस्कुट, कुकिज, डाइजेस्टिभ लगायतका बिस्कुट छन् ।

एसियनले मुख्यतया भारत र त्यसपछि अमेरिका, अस्ट्रेलिया र खाडी राष्ट्रमा बिस्कुटको निर्यात गरिरहेको उनको भनाइ छ ।

सम्बन्धित शिषर्कहरु

सामसङले सार्वजनिक गर्‍यो २ नयाँ बिस्पोक एआई वाशिङ मेसिन

यस्तो छ तरकारी र फलफूलको आजको मूल्य

एकैदिन तोलामा २ हजारले बढ्यो सुन

माघ ४ देखि काठमाडौंमा नेपाल वुड, फर्निचर तथा होम टेक्सटायल अन्तर्राष्ट्रिय प्रदर्शनी हुँदै

फोटोनको माउन्टेन ईभी भ्यान नेपालगञ्जमा पनि किन्न पाइने, खुल्यो शोरूम

यस्तो छ बिहीबारको तरकारी र फलफूलको मूल्य