काठमाडौं । अहिलेको समयमा धेरै पर्यटक टापु घुम्न मन पराउँछन् । चारैतिर पानीले घेरिएको र हरियाली भएका कारण टापुहरूको सौन्दर्य हेर्न लायक हुन्छ । धेरै पर्यटकहरू यस्ता टापुहरूमा रात बिताउन मन पराउँछन् । तर, यसका लागि भने महंगाे भाडा तिर्नुपर्छ । एक दिनको भाडा लाखौं हुन सक्छ ।

फिलिपिन्समा एउटा यस्तो निजी टापु पनि छ, जसले यहाँ बस्ने पर्यटकहरूबाट दैनिक लाखौं रुपैयाँ भाडा लिन्छ । यति मात्र होइन, यहाँ बस्नका लागि विभिन्न शर्त पनि लागू हुन्छ । शर्त यो हो कि यो टापुमा कम्तीमा तीन दिन बस्न पाइन्छ । यो टापुमा बसेको तीन दिनको भाडा करोडौं रुपैयाँ पुग्छ ।

फिलिपिन्सको यो निजी टापुको नाम ‘बनवा’ हो । १५ एकडमा फैलिएको यो टापु फिलिपिन्सको पलावान द्वीपसमूहको हिस्सा हो । यो टापु आफैमा एक रिसोर्ट हो । यो संसारको सबैभन्दा महँगो रिसोर्ट हो ।

यस टापुमा ६ वटा भिल्ला छन् । एउटा भिल्लामा चार शयनकक्ष, एक निजी इन्फिनिटी पुल, ज्याकुजी आदि छन् । प्रत्येक सुत्ने कोठामा दुईजना मानिस बस्न सक्छन् । यसरी भिल्लामा ८ जना मानिस बस्न सक्छन् । यस्तो अवस्थामा यस टापुमा ४८ जना सँगै बस्न सक्छन् । यो रिसोर्ट पानीले घेरिएको छ । त्यसैले सिपप्लेन र हेलिकप्टरबाट मात्र यहाँ पुग्न सकिन्छ ।

एउटा कोठामा दुईजना पाहुनाको भाडा प्रतिदिन २ हजार ६ सय ५० अमेरिकी डलर छ । यो प्रारम्भिक मूल्य हो । कम्तीमा एउटा भिल्ला बुक गर्नुपर्छ ।

यसका लागि सामान्य सिजनमा एक दिनको भाडा करिब ९ लाख रुपैयाँ लाग्ने छ । यहाँ कम्तीमा तीन दिनका लागि बुकिङ गर्नुपर्छ । यस्तो अवस्थामा एउटा भिल्लाको तीन दिनको भाडा करिब २७ लाख रुपैयाँ तिर्नुपर्ने हुन्छ । पिक टाइममा दैनिक भाडा ८४ लाखसम्म पुग्छ । तीन दिनका लागि २ करोड ५० लाख रुपैयाँ खर्च गर्नुपर्नेछ ।

यी हुन् यस टापुका विशेषता:

धेरै प्रकारका बाहिरी गतिविधिहरू यहाँ उपलब्ध छन् । यसमा स्कुबा डाइभिङ, स्नोर्कलिङ, स्विमिङ आदि समावेश छन् । यसबाहेक यहाँ स्टारगेजिङ, टेनिस र गल्फको पनि मजा लिन सकिन्छ ।

तपाईं यहाँ भिल्ला वा सम्पूर्ण टापु भाडामा लिन सक्नुहुन्छ । सम्पूर्ण टापु बुक गर्दा प्रतिभिल्ला भाडा तिर्नुपर्छ । प्रत्येक भिलामा इन्फिनिटी पुल छ ।

यो टापु मनिलाबाट निजी जेट र हेलिकप्टरबाट डेढ घण्टामा र हङकङबाट तीन घण्टामा पुग्न सकिन्छ । हेलिकप्टर र सिप्लेन सुविधा पनि मनिलाबाट सीधा उपलब्ध छ । एजेन्सी

सम्बन्धित शिषर्कहरु

 १८ औं हात्ती तथा पर्यटन महोत्सव पुस ११ देखि सुरु

परिवारिक सम्पत्तिको वंश परम्पराविरुद्ध वारेन बफेट, गरे थप १.१ बिलियन डलर दान

मेक्सिको, क्यानडा र चीनविरुद्ध कठोर हुँदै ट्रम्प, भारी शुल्क लगाउने वाचा

लघुवित्तमा साढे ६ लाख ऋणी घटे, बैंकर भन्छन्- अब लघुवित्तमा शुद्धिकरण भयो

झन् सशक्त बन्दै बीवाईडी, अर्को वर्ष नयाँ पुस्ताको ब्लेड ब्याट्री लन्च गर्ने

कर्णाली डेभलपमेन्ट बैंकलाई व्यवसाय गर्न राष्ट्र बैंकले रोक्यो, एनपीएल ४०.८५ प्रतिशत