काठमाडौं । सहकारी ठगी छानबिन गर्न गठित संसदीय विशेष समितिले प्रतिवेदन पारित गरेको छ । सोमबार बसेको समितिको बैठकले प्रतिवेदन पारित गरेको हो ।

समितिले सोमबार नै संसदमा प्रतिवेदन पेस गर्ने तयारी छ । समितिले तयार पारेको प्रतिवेदनमा ४० वटा सहकारीबाट ८७ अर्ब रुपैयाँ ठगी भएको खुलेको छ । समितिका संयोजक सूर्य थापाले कुनै पनि राजनीतिक पूर्वाग्रही नराखी प्रतिवेदन तयार पारेको बताएका छन् ।

समितिले तीन महिना लगाएर प्रतिवेदन तयार पारेको हो । समितिले १५ दिन थप समय माग गरेको थियो ।

समितिले सहकारी ठगीसँग सम्बन्धित विषयको अध्ययन, विभिन्न व्यक्तिहरुसँग सोधपुछ गरेर प्रतिवेदन तयार पारेको उनले बताए ।

संसदीय समितिले जीबी राई समूहले चलाएको सहकारीबाट गोर्खा मिडियामा रकम गएको देखिएको बताएको छ । गोर्खा मिडिया नेटवर्कमार्फत भएको अपचलनमा राष्ट्रिय स्वतन्त्र पार्टी (रास्वपा)का सभापति रवि लामिछानको संलग्नता देखिएको समितिको निष्कर्ष छ ।

सम्बन्धित शिषर्कहरु

पूर्णबहादुरको सारङ्गीले कमायो ८.२५ करोड, एकैदिन ३८० भन्दाबढी ‘शो’

मृग भनेर हानेको गोली साथीलाई लागेपछि…

विद्युतीय वाहन र बस एकापसमा ठोक्किए, ४ जनाको निधन, ६ घाइते

जलवायु परिवर्तन प्रभावको असर विदेशी पर्यटक चरामा

अन्नपूर्ण आधार शिविरमा पर्यटकसँगै फोहरको चुनौती

अमेरिकी डलरले बनायो नयाँ रेकर्ड, यूरो र पाउण्डको मूल्यमा वृद्धि