न्यादी हाइड्रोको १ करोड २७ लाख कित्ता सेयरको लकइन सकिँदै
२०८१ असोज १ गते ७:२९ विकासन्युज
काठमाडौं । न्यादी हाइड्रोपावर कम्पनीको लकइन अवधि कात्तिक ४ गते सकिने भएको छ । कम्पनीको संस्थापक, संस्थाका कर्मचारी र आयोजना प्रभावित क्षेत्रका बासिन्दाको स्वामित्वमा रहेको सेयर लकइन अवधि कात्तिक ४ गते सकिने भएको हो ।
कम्पनीका अनुसार संस्थापक सेयरधनीको स्वामित्वमा रहेको १ करोड ९ लाख ५० हजार कित्ता, संस्थापक सेयरधनीका कर्मचारीको नाममा रहेको ३ लाख कित्ता, कम्पनीका कर्मचारीको नाममा रहेको ४५ हजार कित्ता, आयोजना प्रभावित क्षेत्रका स्थानीय बासिन्दाको स्वामित्वमा रहेको १५ लाख कित्तन गरी कुल १ करोड २७ लाख ९५ हजार कित्ता सेयरको अवधि सकिन लागेको हो ।
सार्वजनिक निष्काशन गरि सेयर बाँडफांड गरेको ३ वर्षसम्म कम्पनीको संस्थापक, योजना प्रभावित स्थानीय र कम्पनीका कर्मचारीले सेयर बिक्री गर्न नपाइने गरी लकइनमा राख्नु पर्ने व्यवस्था छ । लकइन अवधि खुलेपछि भने संस्थापक, स्थानीय र कर्मचारीले सेयर बिक्री गर्न सक्नेछन् ।
सम्बन्धित शिषर्कहरु
Copyright © 2024 Bikash Media Pvt. Ltd.