काठमाडौं । राष्ट्रिय योजना आयोगका पूर्वउपाध्यक्ष विश्व पौडेलले राष्ट्रिय स्वतन्त्र पार्टी (रास्वपा)का उपसभापति डा.स्वर्णिम वाग्लेलाई शाब्दिक झापड प्रहार गरेका छन् । उनले सहकारी ठगी प्रकरणमा मुछिएका रास्वपाका सभापति रवी लामिछानेकाे विषयलाई लिएर  व्यङ्ग्यात्मक प्रहार गरेका हुन् ।

सोमबार सहकारी बचत दुरुपयोग छानबिन गर्न बनेको संसदीय विशेष समितिले सार्वजनिक गरेको प्रतिवेदनपछि रवी लामिछाने सहकारी ठगी प्रकरणमा मुछिएको र नमुछिएको विषयले चर्चा पाएको थियो ।

धेरैले उनलाई कारबाहीको लागि सिफारिस भएको धारणा राखिरहँदा रास्वपाका नेताहरूले भने छानबिन समितिले ‘क्लिन चिट’ दिएको भन्दै खुसी व्यक्त गरेका थिए ।

विशेषगरी रास्वपाका उपसभापति डा. वाग्लेले लामिछानेले क्लिन चिट पाएको र अब अन्य वास्तविक सहकारी ठगहरूलाई कारबाहीको दायरामा ल्याउनुपर्ने धारणा राखेका थिए ।

डा. वाग्लेको उक्त अभिव्यक्ति राखेपछि सामाजिक सञ्जालमा पौडेलले व्यङ्ग्यात्मक रूपमा भनेका छन्, ‘बोर्डिङ र विदेशमात्र पढेका साथीहरूको नेपाली लेखपढ कमजोर छ भन्ने त थाहा थियो । तर, रिपोर्ट पढ्दा ‘कारबाही सिफारिस’ भनेर लेखेकोलाई ‘उन्मुक्ति दिएको’ भनेर बुझ्लान् भन्ने चाहिं थिएन ।’

सम्बन्धित शिषर्कहरु

चाडपर्वमा उपत्यकामा मात्रै दुर्घटनामा परी ११ जनाको निधन

पुस्तक समीक्षाः ‘ठाडो भाकाको लोक सांस्कृतिक इतिहास’ पछ्याउँदा

कांग्रेसले ‘मिस’ गरिरहेको नोना आमाको ‘मर्निङ मिटिङ’

आज केही स्थानमा वर्षाको सम्भावना, यस्तो छ देशभरको मौसम

बागलुङ-पूर्वी रुकुम सडक कालोपत्र नहुँदा समस्या, पाँचपटक म्याद थप

कारागारबाट सुरुङ खनी फरार भएका यादव पक्राउ