रु रु जलविद्युतले किन्यो सुम्निमा हाइड्रोको ५१ प्रतिशत सेयर
२०८१ असोज ८ गते ११:१० विकासन्युज
काठमाडौं । रु रु जलविद्युत परियोजनाले नयाँ आयोजनामा लगानी गरेको छ । रु रु जलविद्युतले आफ्नो बहुमत सेयर स्वामित्व हुने गरी सुम्निमा हाइड्रोपावर कम्पनीमा लगानी गरेको अध्यक्ष आशिष सुवेदीले जानकारी दिए ।
कम्पनीको अन्य जलविद्युत कम्पनीहरूको सेयरमा लगानी गर्ने नीतिअनरूप नयाँ कम्पनीका लगानी गरेको उनको भनाइ छ । कम्पनीकोे सञ्चालक समितिको असोज ७ गते बसेको बैठकले सो निर्णय गरेको उनले बताए ।
भोजपुरको विकास तथा निर्माणका लागि रु रु जलविद्युत परियोजनाको ५१ प्रतिशत सेयर स्वामित्व कायम हुने गरी सुम्निमा हाइड्रोको सेयरमा लगानी गर्ने निर्णय गरिएको अध्यक्ष सुवेदीको भनाइ छ ।
सुम्निमा हाइड्रो पावर कम्पनीले अपर पिखुवा खोला जलविद्युत आयोजना ४.९ मेगावाट र पिखुवा पशुपति जलविद्युत आयोजना ४.१ मेगावाट निर्माण गरिरहेको छ ।
सम्बन्धित शिषर्कहरु
Copyright © 2024 Bikash Media Pvt. Ltd.