काठमाडौं । मेटलाइफ नेपाल र नेपाल क्रिकेट संघ (क्यान) बीच सम्झाैता भएकाे छ ।

राष्ट्रिय क्रिकेट टोलीका सबै सदस्यहरूको बीमा गर्न मेटलाइफ र क्यानबीच सम्झाैता भएकाे हाे ।

ललितपुरको पुल्चोकस्थित मेटलाइफ नेपालको मुख्य कार्यालयमा क्यान र मेटलाइफ नेपालका प्रतिनिधिहरूले सम्झौतामा हस्ताक्षर गरे ।

सम्झाैताअन्तर्गत मेटलाइफले पुरुष र महिला राष्ट्रिय क्रिकेट टोलीका सदस्यहरूका साथै क्यानका सदस्यहरूलाई अनुकूल जीवन र स्वास्थ्य बीमा योजनाहरू प्रदान गर्नेछ ।

बीमा कभरेजमा खेलाडीहरूलाई जीवनको अप्रत्याशित चुनौतीबाट आर्थिक रूपमा सुरक्षित हुने सुनिश्चितता गर्दै दुर्घटनामा मृत्यु भएमा १० लाख, दुर्घटनाग्रस्त चिकित्सा क्षतिपूर्तिको लागि २ लाख र अस्पतालमा भर्ना भएमा १ लाख जस्ता लाभहरू समावेश गरिनेछ ।

राष्ट्रिय टोलीका पूर्व कप्तान तथा नेपाल क्रिकेट संघका वर्तमान सचिव पारस खड्काले यस सम्झाैताले खेलाडीहरूलाई आत्मविश्वासका साथ खेल्न सहयाेग पुर्‍याउने विश्वास लिए ।

मेटलाइफ नेपालका उपाध्यक्ष तथा महाप्रबन्धक श्री निर्मल काजी श्रेष्ठले क्रिकेट टाेलीलाई सहयाेग गर्न पाउँदा खुसी लागेकाे बताए ।

सम्बन्धित शिषर्कहरु

जीवन बीमाको नाफा २ अर्ब : सिटिजनको उच्च वृद्धि, सरकारी कम्पनीको घट्यो

बीमा प्राधिकरण र एएसएनबीच समझदारी, बीमा क्षेत्रमा थप योगदान पुर्‍याउने विश्वास

हिमालयन रिइन्स्योरेन्सको नाफा २९.१६ प्रतिशत बढ्यो, अन्य सूचक कस्ता छन् ?

एशियन लाइफको नाफा ४२ प्रतिशत बढ्यो, २ अर्ब बढी बीमा शुल्क आर्जन

रिलायबल नेपाल लाइफको नाफामा ६७ प्रतिशत उछाल, १०.८३ अर्ब नाघ्यो जीवन बीमा कोष

शिखर इन्स्योरेन्सको नाफासँगै ईपीएस पनि बढ्यो, १.७६ अर्ब पुग्यो विशेष कोष