नेप्सेमा साढे ३ अर्बको बोनस सेयर सूचीकृत, कुनको कति ?
२०८१ असोज १५ गते ७:३२ विकासन्युज
काठमाडौं । चालु आर्थिक वर्ष २०८१/८२ को हालसम्म नेपाल स्टक एक्सचेञ्ज (नेप्से) मा साढे ३ अर्ब बढीको बोनस सूचीकृत भएको छ । विभिन्न ८ कम्पनीको ३ अर्ब २९ करोड ९७ लाख ६८ हजार रुपैयाँका ३ करोड २९ लाख ९७ हजार ६८० कित्ता सेयर नेप्सेमा सूचीकृत भएको हो ।
नेप्सेका अनुसार यसअवधिमा प्रभु इन्स्योरेन्सको ४.७५ प्रतिशतका दरले ६ लाख ५३ हजार ६५८ कित्ता, आइएमई लाइफ इन्स्योरेन्सको २५ प्रतिशतका दरले १ करोड कित्ता, सन नेपाल लाइफको २३.८० प्रतिशतका दरले ७६ लाख १६ हजार कित्ता सेयर सूचीकृत भएको छ ।
यस्तै मैलुङ खोला जलविद्युत कम्पनीको २.२२ प्रतिशतका दरले ८१ हजार ७६८ कित्ता, सीईडीबी हाइड्रोपावर डेभलपमेन्ट कम्पनीको ११ प्रतिशतका दरले ९ लाख २३ हजार ३५१ कित्ता, नेपाल रिइन्स्योरेन्स कम्पनीको ४.७५ प्रतिशतका दरले ६० लाख ८६ हजार ४३३ कित्ता, नागरिक लगानी कोषको १४ प्रतिशतका दरले ७४ लाख ३९ हजार २५० कित्ता र ग्रीन डेभलपमेन्ट बैंकको ३.८० प्रतिशतका दरले १ लाख ९७ हजार २२० कित्ता सेयर नेप्सेमा सूचीकृत भएको हो ।
सम्बन्धित शिषर्कहरु
Copyright © 2024 Bikash Media Pvt. Ltd.