काठमाडौं । बिहीबार भारतीय सेयर बजारमा भारी गिरावट आएको छ । इरान र इजरायलबीच बढ्दो तनावका कारण विश्वभरिका बजारमा गिरावट आएकाले  त्यसको प्रभाव भारतीय बजारमा पनि देखिएको हाे ।

बीएसई सेन्सेक्स ९०० अंकको गिरावटसहित खुल्यो भने निफ्टी पनि २५५५० भन्दा तल पुगेको छ ।

सबै क्षेत्रमा गिरावट आएको छ । यसका कारण बीएसईमा सूचीबद्ध कम्पनीहरूको मार्केट क्याप ५६ अर्ब ६३ करोड रुपैयाँले घटेर ४६ अर्ब ९२ अर्ब ३० करोडमा पुगेको छ ।

सेन्सेक्सका ३० मध्ये २८ वटा घटेर खुलेका छन् । यसैबीच अनिल अम्बानीको कम्पनी रिलायन्स पावरको सेयर फेरि एकपटक अपर सर्किटमा पुगेको छ ।

यो सेयर गत सत्रमा ५१.१० रुपैयाँमा बन्द भएकोमा आज ५ प्रतिशतले बढेर ५३.६५ रुपैयाँमा पुगेको छ । यो ५२ हप्ताको उच्चतम स्तर हो ।

गान्धी जयन्तीका कारण असोज २ गते भारतीय सेयर बजार बन्द रहे पनि विश्वका अधिकांश बजार ओरालो लागेको थियो ।

दक्षिण कोरियामा १.२ प्रतिशत र जापानमा २.२ प्रतिशतले गिरावट आयो । तर, ताइवानमा ०.७५ प्रतिशत र हङकङमा ६.२ प्रतिशतले वृद्धि भएको थियो भने चीनको बजार बन्द रह्यो ।

प्रि-ओपन सत्रमा सेन्सेक्स १२६४ अंक अर्थात् १.५ प्रतिशत गिरावटका साथ ८३००२ अंकमा झर्यो भने निफ्टी पनि ३४४ अंक अर्थात् १.३३ प्रतिशतले घटेर २५४५२ अंकमा झर्यो ।

दिउँसो १२ बजे सेन्सेक्स १३१८ अंक अर्थात् १.५६ प्रतिशतले घटेर तल ८२९४८.२३ अंकमा थियो भने निफ्टी ३९६ अंक अर्थात् १.५३ प्रतिशतले घटेर २५४००.९५ अंकमा थियो। एजेन्सी

सम्बन्धित शिषर्कहरु

चार दशकपछि हवाई उडानसँग जोडिँदै टिकापुर, तारा एयरले ९ हजार भाडामा सेवा दिने

क्यानडामा चरम उत्कर्षमा पुग्यो बेरोजगारी, के देश मन्दीमा फँस्दैछ ?

हरेक वर्ष १३ अर्ब डलरको तेल किन्ने तयारी गर्दै मुकेश अम्बानी

मोटोपना अस्ट्रेलियाको स्वास्थ्य जोखिमको पहिलो कारण

बढ्यो मस्कको सम्पत्ति, ४०० अर्ब डलर पार गर्ने पहिलो व्यक्ति

अन्तर बैंक ब्याजदर ह्वात्तै घट्यो, पौने ७ खर्ब लगानीयोग्य रकम