काठमाडौं । वाणिज्य बैंकले १७ अर्ब ६९ करोड २० लाख रुपैयाँ खुद नाफा गरेका छन् । नेपाल राष्ट्र बैंकले सार्वजनिक गरेको तथ्यांकअनुसार वाणिज्य बैंकहरूले साउन र भदौमा सो नाफा गरेका हुन् ।

यो अवधिमा सबैभन्दा बढी नाफा गर्ने नबिल बैंक रहेको छ भने दोस्रोमा ग्लोबल आइएमई र तेस्रोमा नेपाल इन्भेष्टमेन्ट मेगा बैंक रहेको छ । नबिलले दुई महिनाको अवधिमा १ अर्ब ६६ करोड, ग्लोबल आइएमईले १ अर्ब ५६ करोड, नेपाल इन्भेष्टमेन्ट मेगाले १ अर्ब ४१ करोड रुपैयाँ र हिमालयन बैंकले १ अर्ब १६ करोड रुपैयाँ खुद नाफा गरेको छ । यस्तै, कुमारी बैंकले यो अवधिमा १ अर्ब ८ करोड रुपैयाँ नाफा गरेको राष्ट्र बैंकको तथ्यांकले देखाउँछ ।

५ वटा बैंकले दुई महिनामा एक अर्ब बढी नाफा गरेका हुन् ।

राष्ट्र बैंकको तथ्यांकअनुसार प्राइम कमर्सियल बैंकले ९७ करोड, प्रभुले ९१ करोड, कृषि विकासले ८८ करोड, राष्ट्रिय वाणिज्य बैंकले ८८ करोड, लक्ष्मी सनराइजले ८६ करोड, एभरेष्टले ८२ करोड र एनएमबिले ७८ करोड रुपैयाँ खुद नाफा गरेका छन् ।

यस्तै, सानिमा बैंकले ६८ करोड, नेपाल बैंकले ६७ करोड, स्ट्याण्डर्ड चार्टर्डले ६० करोड, सिद्धार्थले ६० करोड, सिटिजन्सले ५८ करोड, एनआईसी एसियाले ५७ करोड, नेपाल एसबिआईले ५३ करोड र माछापुच्छ्रे बैंकले ३९ करोड रुपैयाँ खुद नाफा गरेको राष्ट्र बैंकले सार्वजनिक गरेको तथ्यांकले देखाउँछ ।

सम्बन्धित शिषर्कहरु

मौद्रिक नीतिको त्रैमासिक समीक्षा शुक्रबारसम्म सार्वजनिक हुने, के हुँदैछ परिवर्तन ?

नबिल एसएसईले मनायो तेस्रो वार्षिकोत्सव, १२ सय रोजगारी सिर्जना

लघुवित्तमा साढे ६ लाख ऋणी घटे, बैंकर भन्छन्- अब लघुवित्तमा शुद्धिकरण भयो

झन् सशक्त बन्दै बीवाईडी, अर्को वर्ष नयाँ पुस्ताको ब्लेड ब्याट्री लन्च गर्ने

आज स्ट्याण्डर्ड चार्टर्ड बैंकको २५.५ प्रतिशत लाभांश सुरक्षित गर्ने अन्तिम दिन

कर्णाली डेभलपमेन्ट बैंकलाई व्यवसाय गर्न राष्ट्र बैंकले रोक्यो, एनपीएल ४०.८५ प्रतिशत