काठमाडौं । उद्योगी व्यवसायीहरूले डेडिकेटेट र ट्रंक लाइनको बिजुली बालेको प्रमाण नेपाल विद्युत प्राधिकरणले दिए रकम भुक्तानी गर्ने बताएका छन् । बक्यौता रकम भुक्तानी नगरेको भन्दै प्राधिकरणले केही उद्योगकाे बिजुली काटेपछि यस्तो बताएका हुन् ।

आइतबार पत्रकार सम्मेलन गरेर प्राधिकरणले डेडिकेटेट र ट्रंक लाइनको बिजुलीको महसुलको प्रमाण दिए आफूहरू रकम भुक्तानी दिन तयार रहेको उल्लेख गरेका थिए ।

सिमेन्ट उद्याेग संघका पूर्वअध्यक्ष ध्रुव थापाले प्राधिकरणले प्रमाण दिए आफूहरू बक्यौता भुक्तानी दिन तयार रहेको बताउँदै भने, ‘बिजुली बालेको प्रमाण प्राधिकरणले दिए हामीले भुक्तानी दिन्छाैं । प्राधिकरणले पहिला प्रमाण दे‌ओस् ।’

कुनै पनि दुई पक्षबीच व्यापारको सम्झौता हुने बताउँदै उनले प्राधिकरण र उद्याेगबीचकाे सम्झौताको प्रमाण पनि उपलब्ध गराउन प्राधिकरणका कार्यकारी निर्देशक कुलमान घिसिङलाई चुनाैती दिए ।

यस्तै, उद्याेग वाणिज्य महासंघका पूर्वअध्यक्ष पशुपति मुररकारले पनि प्राधिकरणले नबालेको बिजुलीको रकम माग गरेको भन्दै बालेको प्रमाण गर्न चुनौती दिए ।

उनले उद्याेगीहरूले सामान्य बिजुली बालेको र घिसिङले प्रिमियम रकम माग गरेको बताए ।

पत्रिकाकाे भित्री पेजमा विज्ञापन राखेर फ्रन्ट पेजको रेटअनुसार पैसा माग्न पाइन्छ ?भन्दै प्रश्नसमेत गरे ।

यस्तै, नेपाल उद्योग व्यवसायी महासंघका उपाध्यक्ष अन्जन श्रेष्ठले डेडिकेटेट र ट्रंक लाइन महसुल विवाद भएकाे १० वर्ष भयो भन्दै सरकारले चाँडै समाधान गर्नुपर्ने बताए ।

सम्बन्धित शिषर्कहरु

फर्जी नाफालगायतका विषयमा पोल खुल्ने डरले प्राधिकरण योजनाबद्ध रूपमा लाग्यो : पीडित उद्योगी समूह

सरकारी अस्पतालमा १४ वर्ष मुनिका बालबालिकाको क्यान्सर उपचार निःशुल्क गर्ने

उडान अनुमति नलिई आएको थाई एयर एसियाको उडान निलम्बित

आधारभूत औषधि कम मूल्यमा उपलब्ध गराउन सरकार तयार छ : स्वास्थ्यमन्त्री

उद्योगीको एकै स्वर- पटक-पटक विद्युत काटेर अपमान गरियो, प्रमाण दिए शुल्क तिर्न तयार

मारवाडी समितिले जिल्ला अदालतको न्यायिक प्रक्रियामा प्रश्न गर्दै उच्च अदालतमा गर्‍यो रिट दायर