भक्तपुर । बागमती प्रदेश सभा सदस्य सुरेश श्रेष्ठले सहकारीका सञ्चालकले नियम बाहिर गएर मनोमानी रूपमा लगानी गर्दा सहकारी डुबेको बताएका छन् ।

चम्पक बचत तथा ऋण सहकारीको १४ औं साधारण सभालाई सम्बोधन गर्दै उनले सहकारीका सञ्चालकले ऐन नियम तथा सहकारीको मर्म बाहिर गएर लगानी गर्ने तथा बचत रकम चलाउँदा सहकारी धारासायी भएको बताएका हुन् ।

अहिले सहकारीको खबर भनेको बिहान उठ्दा देखि नसुत्ने बेला सम्म फलानो सहकारीको यती रकम हिनामिना सञ्चालक फरार जस्ता समाचार मात्र प्राथमिकतामा छन् यसमा दोष बचत कर्ताको पनि रहेको उनले बताए ।

बचत कर्ताले धेरै व्याज दिन्छ कुनै सहकारीले भने कसरी दिन्छ कहाँ बाट पैसा आउँछ र दिन्छ कहाँ कहाँ लगानी गरेको छ भनी बचत कर्ताले नहेर्दा सञ्चालकहरूले आफूखुसी जहाँ पायो त्यहाँ धितो विना नै लगानी गर्दा देश भर सहकारीमा समस्या आएको श्रेष्ठको भनाई थियो ।

पवित्र उद्देश्यका साथ कहाँ कहाँ लगानी गर्नु हुने के गर्नु हुने भनी गरेको लगानीका सहकारी अहिले पनि समस्या ग्रस्त छैनन् चलेकै छन् यस बाट सहकारी समुदायमा नै आधारित हुँदा नडुब्ने रहेछ भनी प्रमाणित भएको समेत उनले बताए ।

कार्यक्रममा चाँगुनारायण नगरपालिका वडा नम्बर ४ का वडा अध्यक्ष रोजवहादुर तामाङ, छिन्नमस्ता महिला सहकारीकी अध्यक्ष सपना तामाङ, ग्रामीण अपागंता केन्द्रका रामकृष्ण पौडेल, चाँगु झौखेल दुवाकोट खानेपानीको अध्यक्ष प्रधुम्न पोखरेल लगायतका वक्ताले सहकारी ऐन नियम अनुसार नै चलेमा कहिले पनि नडुब्ने बताएका थिए।

साधारण सभामा उत्कृष्ट बचत कर्ता, सेयर सदस्य, कर्मचारी, बाल बचत कर्ता, दैनिक बचत कर्ता, निक्षेप कर्ता आदीलाई सम्मान गरिएको थियो ।

चम्पकको नाफा २२ लाख ६हजार

सहकारीले अघिल्लो आर्थिक वर्षमा २२ लाख ६ हजार २ सय ९ रुपैयाँ रहेको छ । अघिल्लो वर्ष ३५ लाख ५८ हजार ७ सय ६४ रुपैयाँ नाफा कमाएको संस्थाले यो वर्ष देशमा आएको मन्दी आदिका कारण २२ लाख मात्र नाफा गर्न सकेको जनाएको छ ।

देश भरका अधिकांश सहकारी घाटामा जाँदा पनि समुदायमा आधारित तथा समुदायमा नै सञ्चालन भएको संस्था भएका कारण एक रुपैयाँ मात्र नाफा गर्न सक्नु पनि संस्थाको उपलब्धि भएको सहकारीले जनाएको छ ।

चम्पकको कुल सम्पत्ति भने २३ करोड ६७ लाख ४५ हजार २ सय ९५ पुगेको संस्थाले जनाएको छ ।

सम्बन्धित शिषर्कहरु

सम्पदा लघुवित्तको २ लाख १४ हजार कित्ता सेयर बिक्रीमा

नागरिक लगानी कोषको नाफा १३.६२ प्रतिशत बढ्यो, ब्याजदर घट्दा कोषको आम्दानीमा असर

सिभिल सहकारीका १६ सय पीडितले सात अर्ब बचत मागे

कामना सेवा विकास बैंकले विभिन्न कार्यक्रम गरी मनायो १८औं वार्षिकोत्सव

हिमालयन लघुवित्तको अध्यक्षमा नकर्मी

नेपाल एसबिआई बैंक र एइसी ग्लोबल प्राइभेटबीच सम्झौता, शैक्षिक कर्जा प्रदान गर्ने