काठमाडौं । शाइन रेसुङ्ग डेभलपमेण्ट बैंकले लाभांश घोषणा गरेको छ । बैंक सञ्चालक समितिको कात्तिक २३ गते बसेको बैठकले ८ प्रतिशत लाभांश वितरण गर्ने प्रस्ताव गरेको हो ।

बैंकले गत आर्थिक वर्ष २०८०/८१ को नाफाबाट हाल कायम चुक्ता पुँजी ४ अर्ब ७३ करोड ३६ लाख ९० हजार रुपैयाँको ३ प्रतिशतका दरले १४ करोड २० लाख १० हजार रुपैयाँ बोनस सेयर र कर प्रयोजनसहित ५ प्रतिशतका दरले २३ करोड ६६ लाख ८४ हजार रुपैयाँ नगद गरी कुल ८ प्रतिशत लाभांश वितरण गर्ने प्रस्ताव गरेको हो ।

बैंकले प्रस्ताव गरेको उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात् सेयरधनीहरूलाई वितरण गरिने बैंकका प्रमुख कार्यकारी अधिकृत (सीईओ) प्रकाश पौडेलले जानकारी दिए ।

बैंकले यसअघि बैंकले आर्थिक वर्ष २०७९/८० मा ११.०५ प्रतिशत, आर्थिक वर्ष २०७८/७९ मा १४ प्रतिशत, आर्थिक वर्ष २०७७/७८ मा ११.५ प्रतिशत, आर्थिक वर्ष २०७६/७७ मा १३ प्रतिशत, आर्थिक वर्ष २०७५/७६ मा १५ प्रतिशत, आर्थिक वर्ष २०७४/७५ मा १८.६३ प्रतिशत लाभांश वितरण गरेको थियो ।

यस्तै, आर्थिक वर्ष २०७३/७४ मा २५ प्रतिशत, आर्थिक वर्ष २०७२/७३ मा २७ प्रतिशत, आर्थिक वर्ष २०७१/७२ मा २८.४२ प्रतिशत, आर्थिक वर्ष २०७०/७१ मा २२ प्रतिशत र आर्थिक वर्ष २०६९/७० मा २० प्रतिशत लाभांश वितरण गरेको थियो ।

सम्बन्धित शिषर्कहरु

नागरिक लगानी कोषको नाफा १३.६२ प्रतिशत बढ्यो, ब्याजदर घट्दा कोषको आम्दानीमा असर

आज देशभर मौसम सफा रहने, यस्तो छ २४ घण्टाको पूर्वानुमान

अमेरिकी डलर रेकर्ड मूल्यमा स्थिर, अधिकांश देशको मुद्राको भाउ घट्यो

मेची-महाकाली राष्ट्रिय उद्धार अभियानले गर्याे २३१ जनाको उद्धार

सिभिल सहकारीका १६ सय पीडितले सात अर्ब बचत मागे

९२ ब्रोकर कम्पनीले नवीकरण गरे सदस्यता