काठमाडौं । हाउस अफ राजकर्णिकारले उपत्यका बाहिर ‘फूड एण्ड बेभरेज हस्पिटालिटी’ प्रदर्शनीको आयोजना गर्ने भएकाे छ । केही समयअघि काठमाडौंमा कार्यक्रम गरेको यस संस्थाले पहिलो पटक उपत्यका बाहिर प्रदर्शनी गर्ने भएको हो ।

जसअन्तर्गत भैरहवा, पोखरा र चितवनमा एक /एक दिने रोड शो गर्न लागेको संस्थाका मार्केटिङ म्यानेजर नेहा राइले बताइन् । उनका अनुसार मंसिर ४ गते भैरहवा, मंसिर ६ गते पोखरा र मंसिर ८ गते चितवनमा रोड शो हुने‍छ ।

पोखराको वाराही, चितवनको सिद्धार्थ र लुम्बिनीको सिद्धार्थ होटलमा हुने रोड शोमा होटल, रेस्टुरेन्ट, पार्टी प्यालेसका व्यवसायीहरूले आ-आफ्नो होटलको स्याम्पलहरू प्रदर्शनी गर्नेछन् । एकैदिनमा धेरै व्यवसायीहरूसँग छलफल र उनीहरूले आफ्नो स्याम्पल प्रदर्शनी गर्ने भएकाले यो कार्यक्रमले नेटवर्किङ बनाउ सहयोग पुर्‍याउने राईको विश्वास छ ।

यो प्रदर्शनीमा ७ सयभन्दा बढीले भिजिट गर्ने अपेक्षा राखिएको छ । सन् १९९१ मा स्थापना भएदेखि हाउस अफ राजकर्णिकारले नेपालको प्रदर्शनी र इभेन्ट व्यवस्थापन क्षेत्रमा अग्रणी भूमिका खेल्दै आएको छ ।

हिमालयन एक्स्पोबाट सुरु गर्दै यस संस्थाले नेपाल, भारत, थाइल्यान्ड, सिंगापुर र इटालीमा १ सय भन्दा बढी प्रदर्शनी, सम्मेलन र कार्यक्रमहरूको आयोजना गरिसकेको छ ।

सम्बन्धित शिषर्कहरु

नेपालगञ्जमा १०८ फिट अग्लो ‘हनुमान’को मूर्ति बनाइँदै, १० करोड लाग्ने

राजस्व संकलन करिब १७ प्रतिशतले वृद्धि, चार महिनामा ३ खर्ब २३ अर्ब २४ करोड रुपैयाँ

टीभीएसको नयाँ ईभी स्कुटर: २ घण्टामै चार्ज, मूल्य ३ लाख भन्दा कम

अन्नपूर्ण क्षेत्रलाई केन्द्रविन्दू बनाएर भूकम्प

चितवनमा धान उत्पादन घट्यो

सुनको मूल्य बढेर तोलामा १ लाख ६४ हजार पुग्यो