काठमाडौं । शरीरको तौल बढ्नु गम्भीर समस्या हो, जसले आजभोलि धेरै मानिसहरूलाई प्रभावित गरिरहेको छ । यसले न केवल सौन्दर्यलाई मात्र नभएर शारीरिक र मानसिक स्वास्थ्यमा पनि गम्भीर खतरा उत्पन्न गर्छ ।

तौल बढ्नुले हृदय रोग, मधुमेह, उच्च रक्तचाप, डिप्रेशन, तनाव, निद्रासम्बन्धी समस्या, हड्डीका रोग र क्यान्सरजस्ता गम्भीर रोगहरूको सम्भावना बढ्ने गर्छ ।

तौल कसरी घटाउने ?

धेरैजसो मानिस तौल घटाउन महँगो जिम जान्छन् वा विभिन्न प्रकारका डाइट प्लानहरू अपनाउँछन् । तर, आयुर्वेद विशेषज्ञ महारुद्र शंकर शेटेका अनुसार, तौल घटाउनका लागि धेरै ठूलो परिवर्तन आवश्यक छैन । तपाईंले केवल आफ्नो खानपानको नियममा थोरै परिवर्तन गर्नुपर्छ ।

आयुर्वेद विज्ञ महारुद्रले तौल बढ्नुको सबैभन्दा ठूलो कारण भनेको खाने तरिका रहेको बताए । वास्तवमा धेरैजसो मानिसहरूले विधिविपरीत खाना खाइरहेका छन् । खानाको सन्दर्भमा मानिसहरूले विभिन्न गल्तीहरू गर्दैछन् ।

आजकल सबैलाई बिहान काम वा अफिसमा जान हतार छ । धेरैजसो मानिसले धेरै थोरै खाने वा बिहानको खाजा छाड्ने गर्छन् । यो तौल बढ्नुको प्रमुख कारण हो ।

दिउँसो पेट भरेर खानुपर्छ भन्ने मानसिकता धेरैजसोको हुन्छ । यसले पनि खाना राम्ररी पच्दैन र तौल बढ्छ ।

तौल बढ्नुको प्रमुख कारण भनेको राति धेरै वा भारी खानेकुरा खानु हो । ध्यान राख्नुहोस् कि राति पाचन प्रक्रिया सुस्त हुन्छ, जसका कारण खाना राम्ररी पच्दैन र तौल बढ्छ ।

तौल कम गर्न कसरी खाने ?

बिहान पाचन प्रणाली बलियो हुने र खाना चाँडो पच्ने विज्ञहरूले बताएका छन् । तपाईंले बिहानमा हल्का नास्ता गर्नुपर्ने हुन्छ । यसो गर्दा तपाईंलाई कुनै समस्या हुने छैन । यसले तौल घट्छ र पाचन प्रक्रिया राम्रो हुन्छ। दिउँसो आधा नास्ता र राति आधा खाना खानाले पनि ताैल कम गर्न सकिन्छ ।

साथै क्यालोरी काउन्ट गरेर खाँदा पनि तौल कम गर्न सकिन्छ ।

सम्बन्धित शिषर्कहरु

फिट रहने क्रममा हुन सक्छ स्पोर्ट्स इन्जुरी, अपनाउनूहोस् यी तरिका

विशेषज्ञ अभावमा मुटु परीक्षण उपकरण उपयोगविहीन

फार्मेसीमा परिचय र पोशाक अनिवार्य गर्न सघाउने मन्त्री पौडेलको प्रतिबद्धता

स्वास्थ्य बीमा भएका वडामा निःशुल्क भिडियो एक्सरे सेवा

घरमा सुत्केरी हुनेको सङ्ख्या शून्य

अनुमतिप्राप्त मेडिकल कलेजहरूको अस्पताल शैय्या क्षमता सार्वजनिक, धेरै चितवन मेडिकल कलेजको