काठमाडौं । नेपाल बैंकका तत्कालीन उपप्रबन्धक शशिकिरण श्रेष्ठ पक्राउ परेका छन् । जिल्ला प्रहरी परिसर, काठमाडौंको टोलीले उनलाई १३ वर्षपछि पक्राउ गरेको हो ।

भ्रष्टाचार मुद्दामा दोषी ठहर भएकाले उनलाई काठमाडौंको स्वयम्भूबाट पक्राउ गरिएको जिल्ला प्रहरी परिसर, काठमाडौंका प्रवक्ता एवं प्रहरी उपरीक्षक नवराज अधिकारीले जानकारी दिए ।

भ्रष्टाचार मुद्दामा दोषी ठहर भएकाले फैसला कार्यान्वयनका लागि पक्राउ गरेको उनकाे भनाइ छ ।

श्रेष्ठविरुद्ध अख्तियार दुरुपयोग अनुसन्धान आयोगले मुद्दा दायर गरेको थियो । मुद्दा दायर भएपछि १३ वर्षदेखि फरार रहेका निजले तत्कालीन समयमा कर्जा प्रवाह गर्दा अख्तियारको दुरुपयोग गरी ३९ करोड ८९ लाख रुपैयाँ हानी गरेको अख्तियार दुरुपयोग अनुसन्धान आयोगको निष्कर्ष छ ।

पक्राउ परेका उपप्रबन्धक श्रेष्ठलाई फैसला कार्यान्वयनका लागि सोमबार अदालतमा पेस गरिने प्रवक्ता अधिकारीले जानकारी दिए ।

सम्बन्धित शिषर्कहरु

उद्योगमन्त्री भण्डारी दक्षिण कोरिया प्रस्थान

तनहुँ जलविद्युत् आयोजनाको एक हजार चार सय ९३ मिटर लामो सुरुङ निर्माण

माघ १० गतेदेखि विमानस्थल ८ घण्टामात्र बन्द हुने

पूर्व-पश्चिम रेल हाम्रो प्राथमिकता हो : मन्त्री दाहाल

मनकामना केबलकार सेवा दुई दिन बन्द हुने

ग्यास चुहावट भई आगलागी हुँदा ५ लाखबढीको क्षति