काठमाडौं । वाणिज्य बैंकका प्रमुख कार्यकारी अधिकृत (सीईओ)हरूको छाता संगठन नेपाल बैंकर्स संघ (एनबिए)को अध्यक्षमा सन्तोष कोइराला बन्ने सहमति भएको छ । प्रभु बैंकका सीईओ अशोक शेरचन ब्याक हटेपछि माछापुच्छ्रे बैंकका सीईओ समेत रहेका कोइराला बैंकर्स संघको अध्यक्ष बन्ने भएका हुन् ।

हाल बैंकर्स संघका अध्यक्ष सुनिल केसी, उपाध्यक्ष सन्तोष कोइरालाको अवधि सकिँदैछ । साथै, कार्यसमिति सदस्य नेपाल एसबिआई बैंकका सीईओ दिपककुमार दे र एभरेष्ट बैंकका सीईओ सुदेश खालिङको पनि अवधि सकिँदैछ भने एक सदस्य पद रिक्त छ ।

बैंकर्स संघको साधारण सभाले संघको अध्यक्ष, उपाध्यक्ष र ३ जना सदस्यसहित नयाँ कार्यसमिति चयन गर्दैछ । अध्यक्ष पदका लागि सीईओ कोइराला र सीईओ शेरचनले मनोनयन दर्ता गरेका थिए । अन्तिममा सीईओ शेरचन ब्याक हटेपछि कोइराला अध्यक्ष बन्ने निश्चित भएको हो ।

यस्तै, कोइराला अध्यक्ष बन्ने भएपछि बैंकर्स संघको उपाध्यक्षमा भने ग्लोबल आइएमई बैंकका सीईओ सुरेन्द्रराज रेग्मीले मनोनयन दर्ता गराएका छन् । उपाध्यक्षमा अर्काे उम्मेदवारी नपरेपछि सीईओ रेग्मी निर्विरोध निर्वाचित भएका छन् ।

कार्यसमिति सदस्यमा भने एभरेष्ट बैंकका सीईओ सुदेश खालिङ दोहोरिने भएका छन् । साथै बाँकी रिक्त कार्यसमिति सदस्यमा नेपाल बैंकका सीईओ तिलकराज पाण्डेय र कुमारी बैंकका सीईओ रामचन्द्र खनाल आउने भएका हुन् ।

सम्बन्धित शिषर्कहरु

नेपालमा २ लाख मेगावाट जलविद्युत उत्पादनको सम्भावना छ, ढुक्कले लगानी गर्नूहोस् : अध्यक्ष कार्की

चाइनामा मासु निर्यातले युवाको विदेश पलायन केही हदसम्म रोकिन्छ : कृषिमन्त्री अधिकारी

एनसीएचलएल अफर : पुस १६ सम्म नेपालपे इन्स्टन्टमार्फत् निःशुल्क फण्ड ट्रान्सफर

दुई कम्पनीको सेयर नेप्सेमा सूचिकृत, कुनको कति ?

राजश्व संकलनमा १७ प्रतिशतको वृद्धि र पूँजीगत खर्चमा सुधार आएको छ : अर्थमन्त्री पौडेल

दोहोरो अंकले घट्यो सेयर बजार, ५ अर्ब बढीको कारोबार