काठमाडौं । उपप्रधानमन्त्री तथा अर्थमन्त्री विष्णुप्रसाद पौडेलले थाइल्यान्डको बैंककस्थित संयुक्त राष्ट्रसंघीय सम्मेलन केन्द्रमा आयोजित एसिया र प्रशान्त क्षेत्रका लागि विकासको वित्तीयकरण सम्बन्धी उच्चस्तरीय क्षेत्रीय परामर्श बैठकको अध्यक्षता गरेका छन्।

अर्थमन्त्री पौडेलले उच्चस्तरीय परामर्श बैठकको उद्घाटन सत्रमा आफ्नो वक्तव्य दिएका थिए । उनले दिगो विकास लक्ष्य (एसडीजी) हासिल गर्नका लागि आदिस अबाबा कार्ययोजनाको कार्यान्वयनमा भएको महत्त्वपूर्ण प्रगतिलाई प्रकाश पारे ।

उनले विकासशील र अल्पविकसित देशहरूले अहिले सामना गरिरहेका प्रमुख चुनौतीहरू- जस्तै बजेट योजना, स्रोतको प्रभावकारी व्यवस्थापन, परियोजनाको प्रभावकारी कार्यान्वयनका लागि क्षमता अभिवृद्धि र दिगो खर्च व्यवस्थापनलाई औंल्याए ।

अर्थमन्त्री पौडेलले विकासशील र अल्पविकसित देशहरूले आन्तरिक राजस्व परिचालन क्षमतामा सुधार ल्याउनका लागि स्पष्ट र विशिष्ट नीतिहरू निर्माण गरी तिनलाई प्रभावकारी रूपमा कार्यान्वयन गर्नुपर्ने आवश्यकता रहेकोमा जोड दिए ।

बैठक भोलिसम्म चल्ने जनाइएको छ ।

यो परामर्श बैठक यूएनएसक्याप बैंककले २०२५ जूनमा स्पेनको सेभिलमा आयोजना हुने चौंथो अन्तर्राष्ट्रिय उच्चस्तरीय विकास वित्तीयकरण सम्मेलनको तयारीका लागि आयोजना गरिएको हो ।

सम्बन्धित शिषर्कहरु

सूर्यज्योतिमा स्वमित्व घटाउँदै एनआईसी एसिया बैंक, यी हुन् १४ ठूला सेयरधनी

ललितपुर महानगरद्वारा उत्कृष्ट करदाताका रूपमा एनसेल सम्मानित

सहकारीका समस्या समाधान गर्न वर्तमान ऐन कानुनलाई समयसापेक्ष पुनरावलोकन गर्नुपर्ने

नेपालीले बनाएको प्रोमा डट एआई औपचारिक रूपमा सार्वजनिक, आगामी असार १७ सम्म नि:शुल्क

ओमोडा ईफाइभलाई ‘युरो एनक्याप’ र एनक्यापमा डबल ‘फाइभ-स्टार’ सेफ्टी रेटिङ

बढेको सेयर बजारमा ४ अर्ब बढीको कारोबार