जगदम्बा मोटर्सले नेपालमा प्रोटोन ईमस सेभेन भित्र्याउँदै
२०८१ पुष ९ गते १८:४१ विकासन्युज
काठमाडौं । नेपालमा प्रोटोन ईमस सेभेन आउने भएको छ । जगदम्बा मोटर्सले नेपालमा प्रोटोन गाडी भित्र्याउने भएको हो ।
गाडी २०२५ को पहिलो त्रैमासिकमा नेपाली बजारमा ल्याउने योजना जगदम्बा मोटर्सको छ ।
ग्लोबल लन्चका क्रममा प्रोटोन ईमस सेभेन आगामी वर्षमा धेरै देशहरूमा बिक्रीका लागि उपलब्ध हुने घोषणा गरिएको थियो ।
नेपालमा प्रोटोन गाडीहरूको आधिकारिक वितरकका रूपमा जगदम्बा मोटर्स नियुक्त भएको छ ।
प्रोटोन ईमस सेभेनले असीन एनक्यापबाट ५ स्टार रेटिङ प्राप्त गरेको छ । यसले ९२.५७ अंक प्राप्त गरेको हो ।
यसैगरी, वयस्क यात्रु सुरक्षामा ३९, बाल यात्रु सुरक्षामा १७.३२, सुरक्षा सहयोगमा २० अंक प्राप्त गरेको छ ।
हाल प्रोटोनका आन्तरिक दहन इन्जिन गाडीहरू नेपालमा उपलब्ध छन् । यो नयाँ मोडलले उन्नत सुविधा र अत्याधुनिक प्रविधि प्रस्तुत गर्ने अपेक्षा गरिएको छ ।
सम्बन्धित शिषर्कहरु
Copyright © 2024 Bikash Media Pvt. Ltd.