स्वावलम्बन लघुवित्त वित्तीय संस्थाद्वारा सहयोग सामाग्री हस्तान्तरण
२०८१ पुष २१ गते १४:४० विकासन्युज
काठमाडौं । स्वावलम्बन लघुवित्त वित्तीय संस्थाले ज्येष्ठ नागरिकहरुको लागि सहयोग सामाग्री हस्तान्तरण गरेको छ ।
संस्थाले पेप्सीकोला काठमाडौं स्थित ज्येष्ठ नागरिक चौतारी नामक संस्थामा ५० थान कुर्ची हस्तान्तरण गरेको हो । संस्थाको संस्थागत सामाजिक उत्तरदायित्व अन्तर्गत शाखा कार्यालय चुच्चेपाटी मार्फत उक्त सहयोग सामग्री हस्तान्तरण गरिएको हो ।
ज्येष्ठ नागरिक चौतारीका राधा आचार्य भट्टको अध्यक्षतामा तथा स्वावलम्बन लघुवित्त वित्तीय संस्था लि. का नायब महाप्रवन्धक गोविन्द चापागाँईको प्रमुख आतिथ्यतामा सम्पन्न सहयोग हस्तान्तरण कार्यक्रममा आफ्नो मन्तव्य राख्दै प्रमुख अतिथि गोबिन्द चापागाँईले सहयोग समाग्रीको उचित सदुपयोग हुने विश्वास सहित आगामी दिनहरुमा पनि वित्तीय संस्थाले यस्ता सहयोगहरु निरन्तर गर्ने बताए ।
बिशिष्ठ अतिथि तथा सिनामंगल नगर सेवा समाजका अध्यक्ष विजयराज पौडेलले स्वावलम्बन लघुवित्त वित्तीय संस्थाले गरेको सहयोग र सामाजिक कार्यहरुको प्रसंशा गर्दै सेवाको निरन्तरता र वित्तीय संस्थाको उज्वल भविष्यको शुभकामना व्यक्त गरे ।
सम्बन्धित शिषर्कहरु
लोकप्रिय
- अपांगमैत्री आकाशे पुल निर्माणमा अघि बढ्दै ललितपुर महानगर, कहाँ-कहाँ बन्दैछन् ?
- सार्वजनिक कार्यक्रममै युवराजको उद्घोष : अहिले सहकारीमा बचत थप्ने बेला होइन
- पोखरा फाइनान्समा समस्या, स्पष्टिकरण लिने राष्ट्र बैंकको निर्णय
- लाभांश आधा घटेपछि टेलिकमको सेयर बेच्दै सरकार
- रसुवागढी हाइड्रोले ३.२५ अर्ब कमाउने, सेयरधनीलाई लाभांश कहिले ?
फेसबुक
Copyright © 2025 Bikash Media Pvt. Ltd.