काठमाडौं । सपोर्ट लघुवित्त र फरवार्ड माइक्रोफाइनान्स लघुवित्त वित्तीय संस्थाको लाभांश सुरक्षित गर्ने आज मंसिर १३ गते अन्तिम दिन रहेको छ । साधारण सभा तथा लाभांश वितरण प्रयोजनार्थ यी दुई लघुवित्तले मंसिर १४ गते बुकक्लोज गर्दैछन् ।

त्यसैले आजसम्म नेपाल स्टक एक्सचेञ्ज (नेप्से)मा कारोबार भइ कायम सेयरधनीहरूले यी लघुवित्तको साधारण सभामा सहभागिता जनाई लाभांश प्राप्त गर्न सक्नेछन् ।

सपोर्ट लघुवित्तले गत आर्थिक वर्ष २०८०/८१ को नाफाबाट चुक्ता पूँजी १० करोड ७६ लाख १८ हजार रुपैयाँको १३.७७ प्रतिशतका दरले १ करोड ४८ लाख २४ हजार रुपैयाँ बोनस शेयर र कर प्रयोजनार्थ ०.७२ प्रतिशतका दरले ७ लाख ८० हजार रुपैयाँ नगद गरी कुल १४.४० प्रतिशत अर्थात् १ करोड ५६ लाख ४ हजार रुपैयाँ लाभांश वितरण गर्ने प्रस्ताव गरेको हो ।

लाभांश पारित गर्न लघुवित्तले पुस ६ गते दुर्गा पार्टी प्यालेस इटहरी-४, सुनसरीमा १०औँ वार्षिक साधारण सभा बिहान ११ बजे बोलाएको छ ।

यस्तै, फरवार्ड माइक्रोफाइनान्स लघुवित्तले गत आर्थिक वर्ष २०८०÷८१ को नाफाबाट सेयरधनीहरूलाई हाल कायम चुक्ता पुँजी १ अर्ब ५ करोड ५५ लाख ६३ हजार रुपैयाँको १३.३९ प्रतिशतका दरले १४ करोड ३ लाख ८९ हजार रुपैयाँ बोनस सेयर र कर प्रयोजनका लागि ०.७० प्रतिशतका दरले ७३ लाख ८८ हजार रुपैयाँ नगद गरी कुल १४ प्रतिशत लाभांश प्रस्ताव गरेको छ ।

लाभांश पारित गर्न लघुवित्तले मंसिर २८ गते दिनेश चौधरी स्मृति प्रतिष्ठानको सभाहल, दुहवी, सुनसरीमा १२औँ वार्षिक साधारण सभा बिहान ११ बजे बोलाएको छ ।

सम्बन्धित शिषर्कहरु

सार्वजनिक लगानी परिचालन परियोजनासम्बन्धी सम्झौता, सहुलियतपूर्ण वित्तीय परिचालन गर्ने लक्ष्य

बागमती प्रदेश : ४ लाख ७० हजार परिवार स्वास्थ्य बीमामा आबद्ध, सबैभन्दा बढी चितवनमा

सवा २ अर्ब भुक्तानी गरेपछि वर्ल्डलिंकले पायो नयाँ लाइसेन्स

ईसेवाको ‘मेरो डिजिटल देश’ अभियान : अन्जुला घिमिरेले जितिन् काठमाडौंमा घर

लक्ष्य होल्डिङ्स र लक्ष्य क्यापिटलको लाभांश घोषणा, कुनको कति ?

१.३ ट्रिलियन जलवायु वित्त सहयोग माग्दा ३ सय बिलियन मात्रै दिने