काठमाडौं । संसारको सबैभन्दा पुरानो, सबैभन्दा लोकप्रिय र सबैभन्दा ठूलो क्रिप्टोकरेन्सी बिटकोइनले पछिल्लो समय निकै फड्को मारेको छ ।

डिसेम्बर ५ मा पहिलो पटक बिटकोइनको मूल्य १ लाख नाघेको थियो। यसको कारण अमेरिकाका नवनिर्वाचित राष्ट्रपति डोनाल्ड ट्रम्प हुन् । उनले चुनावी क्याम्पको क्रममा देशमा तेलको भण्डारजस्तै बिटक्वाइनको भण्डार सिर्जना गर्ने योजना रहेको बताएका थिए।

अमेरिकामा राष्ट्रपतीय चुनावमा ट्रम्पको जितपछि बिटकोइनले फड्को मार्दै आएको हो । उनलाई क्रिप्टोकरेन्सीको बलियो समर्थक मानिन्छ ।

चुनावी प्रचारका क्रममा उनले अमेरिकालाई विश्वको क्रिप्टो राजधानी बनाउन चाहेको बताएका थिए । नोभेम्बर ५ मा नतिजा आएदेखि बिटकोइन ५० प्रतिशतले बढेको छ।

बिटक्वाइनको मार्केट क्याप २.१ ट्रिलियन पुगेको छ र यो गुगललाई हराउनबाट १० प्रतिशतमात्र टाढा छ । गुगलको मूल कम्पनी अल्फाबेटको बजार पुँजी २.३३२ ट्रिलियन छ र यो विश्वको छैटौं सबैभन्दा मूल्यवान कम्पनी हो ।

आज बिटकोइनको मूल्य १ लाख ४ हजार १२४ डलर रहेको छ ।

सन् २०२५ को अन्त्यसम्ममा बिटकोइनको मूल्य २ लाख डलर पुग्न सक्ने विज्ञहरूको विश्वास छ ।

सम्बन्धित शिषर्कहरु

कयौं उतारचढावका बीच पनि नेपालको बैंकिङ स्थिर छ : गभर्नर अधिकारी

मलेसियाद्वारा विदेशी श्रमिक केन्द्रीय व्यवस्थापन प्रणालीलाई निरन्तरता

४ दशकको अवधिमा बैंकिङ क्षेत्र चुनौतीपूर्ण अवस्थामा रहेको छ : सुनिल केसी

विद्युत् प्राधिकरण सञ्चालकमा पराजुली र केसी नियुक्त

सिटिजन्स बैंकको एपमार्फत् सेयर आवेदन र सीआरएन नम्बर सेवा लिन सकिने, नेपालकै पहिलो सुविधा

नेपाल बैंकर्स संघको अध्यक्षमा सन्तोष कोइराला निर्विरोध निर्वाचित