२ लाख ६३ हजार जोडीसँग स्मार्ट जीवन, कसरी गर्ने परिवार नियोजन ?
दाङ । नेपालको स्मार्ट जीवन (स्मार्ट लाइफ) परिवार नियोजन अभियानले तुलसीपुर चेम्बर अफकमर्श एण्ड इण्डष्ट्रिसँगको सहकार्यमा शुक्रबार दाङ जिल्लामा आयोजित कृषि तथा पर्यटन प्रबद्र्धन तथा सांगीतिक महोत्सवमा स्वस्थ्य परिवारको प्रबद्र्धन सम्पन्न गरेको छ । स्थानीय स्वास्थ्य अधिकारीहरु तथा निजी क्षेत्रका संस्थाहरुसँको सहकार्यमा नेपालभरका लक्षित जिल्लाहरुमा स्मार्ट जीवनले युवा बिवाहित जोडीहरुका बीचमा परिवार नियोजनको प्रयोगको माध्यमबाट स्वस्थ्य परिवारको प्रबद्र्धन गरेको थियो । यो अभियान, स्वास्थ्य मन्त्रालय अन्तर्गतको राष्ट्रिय स्वास्थ्य शिक्षा, सूचना तथा संचार केन्द्र, परिवार स्वास्थ्य विभागद्धारा यूएसएडको हेल्थ कम्यूनिकेसन क्यापासिटी कोल्याबोरेटिभ नेपाल प्रोजेक्टको सहयोगमा लागू गरिएको हो । दुई वर्षको अवधिमा यो अभियान २ लाख ६३ हजार योग्य जोडीहरुसम्म पुगिसकेको छ र १३ जिल्लाका ५१ हजार भन्दा बढि जोडिहरुलाई परिवार नियोजन सेवाका लागि निर्देशित गरिसकेको छ । कार्यक्रममा सहभागीहरुले खाना, विभिन्न किसिमका सामाग्रीहरुको स्टल, कार्निभल गेम, प्रहशन, र सांगीतिक प्रस्तुतीको आनन्द लिएका थिए, जसले तिनीहरुको परिवारले सहि समयमा परिवार नियोजनको प्रयोगका लागि जोडिहरुलाई कसरी योजना बनाउने भनेर देखाएका थिए । विभिन्न जोडीहरु तथा परिवारहरुले कार्यक्रममा सहभागी भएर निशुल्क रुपमा पारिवारिक फोटो प्राप्त गरेका थिए, तथा जीवनको विभिन्न चरणहरुमा प्रयोग गरिने अनेकौं परिवार नियोजनका विधिहरुको बिस्तृत सामाग्रीहरु प्राप्त गरेका थिए ।
टेलिकमले उत्कृष्ट ग्राहक र सेवा बिक्रेता सम्मान गर्यो, को को हुन् सम्मानित ?
काठमाडौं । नेपाल टेलिकमले गत आ. व. २०७२÷७३ मा काठमाडौं क्षेत्र अन्तर्गत कम्पनीका सेवाहरुको सबैभन्दा बढी कारोबार गर्ने बिक्रेताहरु र बढी बिल भुक्तानी गर्ने ग्राहकहरुलाई सम्मान गरेको छ । कम्पनीको तर्फबाट उनीहरुलाई काठमाडौं क्षेत्रीय निर्देशनालयका निर्देशक श्यामप्रसाद शुक्ला अधिकारी, प्रमुख मानव संशाधन अधिकृत रविन्द्र झा, प्रमुख प्राविधिक अधिकृत लोचनलाल अमात्य र प्रमुख व्यावसायिक अधिकृत प्रदीपराज उपाध्यायले सम्मान गरेका हुन् । सो अवसरमा कम्पनीका रिचार्ज कार्डहरु सबैभन्दा बढी कारोबार गर्ने ६ जना बिक्रेतालाई सम्मान गरिएको थियो । यसरी सम्मानित हुनेहरुमा भी कार्ड कन्सर्न, कन्टिनेन्टल मार्केटिङ प्रा.लि., सक्सेस युनाइटेड प्रा.लि., सनलाइट मल्टिपर्पोज प्रा.लि., त्रियोग स्टेशनरी सप्लायर्स र टकटाइम ट्रेडिङ प्रा.लि. रहेका छन् । ब्यक्तिगत तर्फ सबैभन्दा बढी बिल भुक्तानी गरी जीएसएम पोष्टपेडमा साजनमान जोशी, सीडीएमए पोष्टपेडमा अशोकनाथ योगी, ल्यान्डलाइनमा रमेश सापकोटा, एडीएसएलमा राजेन्द्र सिंह भण्डारी र वाइम्याक्समा योजेन्द्र पुन सम्मानित भएका छन् । त्यसैगरी संस्थागततर्फ सबैभन्दा बढी बिल भुक्तानी गरी जीएसएम पोष्टपेडमा सूर्य नेपाल प्रालि, सीडीएमए पोष्टपेडमा कारागार कार्यालय चितवन, ल्यान्डलाइनमा ग्रान्डी इन्टरनेसनल हस्पिटल धापासी, एडीएसएलमा नापी कार्यालय डिल्लीबजार र वाइम्याक्समा सीई कन्स्ट्रक्सन प्रालि त्रिपुरेश्वर सम्मानित भएका छन् । नेपाल टेलिकमले आफ्नो तेह्रौँ वार्षिकोत्सवको अवसरमा माघ २१ गते प्रभातफेरी कार्यक्रम आयोजना गरेको छ । काठमाडौं उपत्यकामा आयोजित प्रभातफेरी कार्यक्रम बसन्तपुरबाट प्रारम्भ भई न्यूरोडगेट, वीर अस्पताल, जमल, घण्टाघर, बागबजार, पुतलीसडक, प्रदर्शनीमार्ग र भद्रकाली हुँदै कम्पनीको केन्द्रीय कार्यालय प्रांगणमा पुगेर सम्पन्न भएको थियो । सो अवसरमा टेलिकम राष्ट्रको सञ्चार, ग्राहक सेवामा समर्पित, राष्ट्र निर्माण हाम्रो लक्ष्य, नेपाल टेलिकम जनताको टेलिकम, सेवामा विविधता महसुलमा पारदर्शिता जस्ता कम्पनीका सेवाहरुसँग सम्बन्धित विभिन्न नारा अंकित प्लेकार्ड प्रदर्शन गर्नुका साथै सेवासँग सम्बन्धित सामग्रीहरु प्रसारण गरिएको थियो । समापन कार्यक्रममा बोल्दै कम्पनीका प्रबन्ध निर्देशक कामिनी राजभण्डारीले गुणस्तरीय सेवा प्रदान गरी ग्राहक सन्तुष्टि वृद्धि गर्ने कार्यमा एकतावद्ध भई लाग्न सम्पूर्ण कर्मचारीहरुलाई आग्रह गरिन् । नेपाल टेलिकमले वार्षिकोत्सवको अवसरमा हरेक वर्ष यस किसिमका कार्यक्रमको आयोजना गर्दै आएको छ । नेपाल टेलिकमले भोलि शनिबार (२०७३ माघ २२ गते) तेह्रौँ वार्षिकोत्सव मनाउँदै छ ।
सिटिजन्स बैंक इन्टरनेसनल आफ्नै भवनमा, गुणस्तरीय र प्रभावकारी सेवा दिने प्रतिवद्धता
सिटिजन्स बैंक इन्टरनेसनल लिमिटेडको केन्द्रीय कार्यालय आफ्नै स्वामित्वको भवनमा सरेको छ । काठमाडौंको कमलादीमा रहेको बैंकको केन्द्रीय अब काठमाडौकै नारायणहिटी पथमा सरेको बैंकका प्रबक्ता तथा नायम प्रमुख कार्यकाी अधिकृत गणेशराज पोखरेलले जानकारी दिएका छन् । ‘नारायणहिटी पथस्थित केन्द्रीय कार्यालयको निर्माण कार्य सम्पन्न भईसकेको हुँदा माघ २१ गतेबाट सो नवनिर्मित भवनबाट बैंकको केन्द्रीय कार्यालयको सम्पूर्ण काम कारवाहीहरु सञ्चालन गरिएको छ’ बैंकले जारी गरेको प्रेस विज्ञप्तीमा भनिएको छ–‘यसबाट बैंकका ग्राहकवर्गलाई गुणस्तरीय एवम् प्रभावकारी सेवा प्रदान गर्न अझ सजिलो हुने विश्वास बैंकले लिएको छ ।’
पुल्चोक इन्जिनियरिंग क्याम्पसमा प्रदर्शनी सुरु, दिगो घर निर्माणमा जोड
ललितपुर । दिगोपनका निम्ति नविनता (इनोभेसन फर सस्टेनेविलिटी) नाराका साथ इन्जिनियरिंग अध्ययन संस्थान, पुल्चोक इन्जिनियर क्याम्पस ललितपुरमा शुक्रबारदेखि सातौैं राष्टिय मेकालिनक इन्जिनियरिंग प्रदर्शनी सुरु भएको छ । सोसाइटी अफ मेकानिलक इन्जिनियरिंग स्टुडेण्टस् र मेकानिकल इन्जिनियरिंग डिपार्टमेन्टको संयुक्त आयोजनामा तीनदिने प्रदर्शनी सुरु भएको हो । प्रदर्शनीमा सस्टेनेबल हाउजिंग (दिगो घर) माथि जोड दिइएका स्टलहरु राखिएका थिए । त्यसका लागि कम मात्रै उर्जाको खपट हुने निर्माणमा जोड दिइएको छ । इको प्यानलबाट निर्मित घरमा घामबाट विजुली उत्पादन, घामबाटै पानी तताउने, बायो ग्यास र आकाशे पानी संकलन प्रविधि प्रदर्शन गरिएको थियो । सस्टेनेबल हाउजिंगका लागि इको प्यानल उपयुक्त हुने स्टलमार्फत देखाइएको छ । निर्माण सामाग्रीमा हरित क्रान्ति भन्ने नारालाई आत्मसाथ गरी स्वदेशमै उत्पादन भइरहेको इको प्यानल पूर्ण वातावरण प्रदूषणरहित प्रविधिबाट बनेकोले अवलोकनकर्ताहरुले त्यस स्टलप्रति विशेष रुचि देखाएका थिए । पुल्चोक इन्जिनियरिंग क्याम्पसमा अध्यापनरत डा सञ्जीब महर्जनले सिमेन्ट, वालुवा, ईपीएस (चलनचल्तीको भाषामा थर्माेकोल), नन् एस्वेस्टस् क्याल्सियम सिल्केट वोर्डबाट बनेको इको प्यानलमा थर्मल इन्सुलेशन राम्रो भएकोले यो प्यानल नेपालको हिमाली भेग र तराई भेगको निम्ति उपयुक्त रहेको जानकारी दिए । यसमा भएको राम्रो थर्माेल इन्स्युलेशनले जाडोमा बाहिरको चिसोपन भित्र आउन नदिने र गर्मीमा बाहिरको तातोपन भित्र आउन नदिने भएकोले जाडो ठाउँंमा स्पेश हिटिंगको निम्ति हिटरमा खपट हुने उर्जा कम हुने र गर्मी ठाउँंमा एसीमा खपट हुने उर्जा कम हुने उनंको जिकिर छ । दिगो निर्माणका लागि चाहिने उर्जा क्लिन तथा ग्रिन हुनुपर्नेमा विषयमा प्रदर्शनीमा जोड दिइएको छ । पुल्चोक इन्जिनियरिंग क्याम्पसमा अध्ययनरत प्रदर्शनीकर्ता आकाश वस्नेतले विभिन्न ननवीकरणीय उर्जाहरुको प्रविधि जडान भएको इको प्यानलबाट निर्मित सस्टेनेबल हाउसको स्टलमा अवलोनकर्ताको विशेष रुचि रहेको बताए । स्वदेशमै निर्मित हलुका तथा चाँंडो निर्माण सम्पन्न हुने कारणले गर्दा भूकम्पपश्चातको पुननिर्माणका लागि इको प्यानलका स्टलप्रति अवलोकनकर्ताले विशेष ध्यान दिएको उनले बताए । त्यसमा पनि स्वदेशमै बनेको इको प्याननलको प्रयोगमाथि त्यहाँं जोड दिइएको छ । भूकम्पपश्चात् विदेशबाट वर्षेनी अर्वाै रुपैयाँंको प्रिफ्याब् आयात भइरहेको बेला स्वदेशमै इको प्यानल प्रयोग भएको प्रदर्शनीमा देखिएपछि अवलोकनकर्ता खुशी देखिएका थिए । प्रदर्शनी आइतबारसम्म चल्नेछ ।
काठमाडौंको कमदालीमा हेयर एन शान्ति नामक यूनिसेक्स सलुन खुल्यो
काठकाडौं । हेयर एन शान्ति नामक यूनिसेक्स सलुनले आफ्नो पहिलो मल्टिनेशनल शाखा काठमाडौंमा सञ्चालनमा ल्याएको छ । माघ २१ गते एक समारोहबीच मिस नेपाल अस्मी श्रेष्ठले उक्त सलुनको उद्घाटन गरेकी छिन् । कमलादीको सिद्धार्थ कम्लेक्समा अवस्थित उक्त सलुन र यसका सम्पूर्ण स्टाइलिस्टहरु लोरियल इन्टरनेशनलद्वारा प्रमाणित एवं मान्यता प्राप्त छन् । हेयर एन शान्ति विश्वको अग्रणी यूनिसेक्स सलुन हो जसको पहिलो शाखा दिल्लीमा २००१ मा उद्घाटन गरिएको थियो भने छोटो समयमा सफलता हाँसिल गरि हाल यसले दिल्लीभर १२ वटा शाखाहरु संचालन गर्दै आइरहेको छ ।
इन्भेष्टमेन्ट बैंक र सेनाको कल्याणकारी बोर्डद्धारा लघुवित्त व्यवसायी सम्मानित
काठमाडौं । नेपाली सेना कल्याणकारी बोर्ड तथा नेपाल इन्भेष्टमेन्ट बैंकको सहकार्यमा संचालित लघुवित्त कार्यक्रम अन्तर्गत नेपाली सैनिक परिवार तथा भूतपूर्व सैनिकहरूको जीवनस्तर उकास्न र स्वरोजगारका अवसरहरू सिर्जना गर्न सूदुरपश्चिममा चालेको अभियानमा सफल रुपमा उद्यम चलाए वापत सर्वोत्कृष्ट उद्यमीलाई सम्मान गरिएको छ । नेपाली सेना कल्याणकारी बोर्डद्वारा धनगढीमा माघ २० र २१ गते आयोजित सूदुरपश्चिमाञ्चल भूपु सैनिक सम्मेलनमा नेपाली सेनाका प्रधानसेनापति राजेन्द्र क्षत्री र बैंकका प्रमुख कार्यकारी अधिकृत ज्योतिप्रकाश पाण्डेले संयुतm रुपमा सर्वोत्कृष्ट उद्यमीका रुपमा जानकीदेवी बमलाई चाँदीको सिक्कासहित प्रशंसा–पत्रले सम्मान गरे । बमले बैंकबाट लघुवित्त कर्जा लिई वंगुर र कुखुरा पालन गरेर आफ्नो जिवनस्तर उकासेकी छिन । वोड र बैंकले मिलेर कल्याणकारी कोषका हिताधिकारीहरुको आर्थिक एवम् सामाजिक जीवनस्तर उत्थानको लागि स्थानिय स्रोतमा आधारित विभिन्न कृषि, पशुपालन लगायतका लघुउद्यम तथा व्यापारमा सरिक गराई स्वःरोजगारको अवसर श्रृजना गर्न सहयोग गर्दै आएको छ । उक्त कार्यक्रममा नेपाल राष्ट्र बैंकको नियम अनुसार असल वर्गमा परेका ३ जना बैंकका ऋणीहरुलाई जनही सात लाख रुपैयाँको चेक हस्तान्तरण गरिएको थियो साथै बहालवाला सैनिक परिवार र भूतपूर्व सैनिकलाई लघुव्यवसाय संचालनका लागि सुरूवाती पुँजीका रूपमा विपन्न वर्ग कर्जा अन्तर्गत ६ जनालाई चेक हस्तान्तरण गरियो । हालसम्म १६ हजारभन्दा बढी नेपाली सेनाका बहालवाला सैनिक परिवार र भू.पु. सैनिकहरुले करिव रु. २ अर्व ५१ करोड ६८ लाख कर्जा लिइ लघुव्यवसाय संचालन गरिरहेका छन् । सोही कार्यक्रममार्फत नेपाल इन्भेष्टमेन्ट बैंकले डडेल्धुरा, दार्चुला र बैतडीमा शाखारहित बैंकिङ सेवा पनि सुरु गरेको छ । सेवा सुरु गरेसंगै प्रत्येक जिल्लामा बैंकिङ कारोबार गर्न पस मेसिन उपलव्ध गराइएको छ । अब बैंकले यो सहित ६२ वटा शाखारहित बैंकिङ सेवामार्फत सुविधा दिने छ । यो समयावधिमा बैंकको चुक्ता पूँजी रू. ८ अर्ब ७१ करोड पुगेको छ भने कुल पूँजी रू. १६ अर्ब ३० करोड पुगी निजी बैंकहरूमध्ये सर्वाधिक पूँजी भएको बैक बनेको छ । गत आ. व. को अन्त्य सम्ममा बैंकको खराब कर्जा प्रतिशत ०.६८ प्रतिशत रहेको छ । नेपाल इन्भेष्टमेण्ट बैंक लि.ले ७ लाख ५० हजारभन्दा बढी ग्राहकहरूलाई आफ्ना ४७ वटा शाखा तथा ८४ वटा ए.टि.एम.मार्फत देशभर सेवा दिदै आएको छ र हाल ५ लाख ५० हजारभन्दा बढि डेबिट कार्ड प्रयोग गर्ने ग्राहकहरू रहेका छन् । नेपाल इन्भेष्टमेण्ट बैंक लि.ले सन् २०१०–११ देखि निरन्तर रूपमा अन्तराष्ट्रिय मान्यता प्राप्त क्रेडिट रेटिङ एजेन्सी (आइ.सि.आर.ए.) बाट “क” वर्गको मान्यता प्राप्त गरिरहेको छ । नेपाल इन्भेष्टमेण्ट बैंक लि. बैंक अफ द इयर पाँचौँ पटक प्राप्त गर्ने नेपालको एकमात्र बैंक रहेको छ ।
मेलम्चीको पानी बाढ्न ५२० किलोमिटर पाइप बिछ्याइयो, पानी वितरणका लागि ३१ करोड आवश्यक
काठमाडौं । मेलम्चीको पानी काठमाडौैँ बासीका घरमा पुर्याउन ५२० किलोमिटर पाइप विछ्याउने काम सकिएको छ । काठमाडौं उपत्यका खानेपानी तथा सरसफाई आयोजनाको आयोजना कार्यान्वयन निर्देशनालयले वितरण प्रणाली अन्र्तगत कुल ६७० किलोमिटरमध्ये ५२० किलोमिटर पाइप बिछ्याउने काम सकिएको जनाएको हो । खानेपानी तथा सरसफाई मन्त्रालयका सचिव भीम प्रसाद उपाध्यायका अनुसार मेलम्ची आयोजनाले आगामी असोजमा राजधानीमा मेलम्चीको पानी ल्याउने गरि काम अघि बढाएको छ र सोही अनुसार वितरण सञ्जाल विस्तारको काम पनि अघि बढिरहेको छ । ‘मेलम्चीको पानी सुन्दरीजलमा आइपुग्दा जनताका घर घरमा पुर्याउने वितरण सञ्जाल पनि तयार भैसकेको हुनेछ’, सचिव उपाध्यायले भने । उनले मेलम्चीको पानी आउनु भन्दा अघि नै सुन्दरीबाट बागमतिको पानी हालेर वितरण प्रणाली परिक्षण सम्पन्न गरिसक्ने पनि जानकारी दिए । उपत्यकाको सवारी आवागमन सहज बनाउनका लागि राती पाइप बिछ्याएर बिहान सडक पुरिसक्ने गरेको पनि जानकारी दिए । उनले मेलम्चीका कारण उपत्यकामा धुलो बढेको भन्ने आरोपको खण्डन पनि पनि गरे । उपत्यकामा धुलो बढ्नुमा मेलम्चीको अधिकतम १५ प्रतिशत मात्रै दोष रहेको पनि दावी गरे । सचिव उपाध्यायले उपत्यकामा जारी सडक विस्तारका कारण खानेपानी वितरण सञ्जालको वर्तमान संरचनामा क्षति पुगेकाले एक हप्ता भित्रै ३१ करोड बजेट नपाए खानेपानी आपुर्ति गर्न नसकिने बताए । उनले २५ प्रतिशत भन्दा बढि खानेपानीको पाइप सडक विस्तार तथा निर्माणका क्रममा बिग्रेको बताउँदै त्यसको मर्मतका लागि तत्कालै ३१ करोड बजेट आवश्यक पर्ने बताएका हुन् । ‘उपत्यका विकास प्राधिकरण र सडक विभागले खानेपानीका पाइप ध्वस्त पारेको छ, बनाउन ३१ करोड आवश्यक पर्छ, एक हप्ताभित्रै नपाए पानी वितरण गर्न सकिन्न’, सचिव उपाध्यायले व्यवस्थापिका संसदको विकास समितिमा भने ।
आमरण अनसन बस्ने सूनचाँदी व्यवसायीको चेतावनी, कालोबजारी अन्त्य गर्न माग
काठमाडौ, २१ माघ । सुन चाँदी व्यवसाय पीडित संघर्ष समितिले सुनमा भएको कालोबजारी अन्त्यका नगरे आमरण अनसन बस्ने चेतावनी दिएको छ । शुक्रबार राजधानीमा पत्रकार सम्मेलन गर्दै संघर्ष समितिले सुन चाँदीमा देखिएको कालो बजारीलाई जेल चलान गर्नुपर्ने, राज्यद्धारा आवश्यक सुन वितरण गर्नुपर्ने, वैज्ञानिक गहना निर्देशिका लागु गनुुपर्र्ने लगायतका ५ बुँदे माग अघि सार्दै आमरण अनसन बस्ने चेतावनी दिएको हो । संघर्ष समितिका अध्यक्ष हरिशंकर सर्राफले सुनचाँदी व्यवसायीले महिनामा ५० ग्राम सुन लिएर बर्षमा २० लाख कारोबार गरेको भनेर कर तिर्नु परेको गुनासो पोखेका छन् । उनले भने,‘आगामी १० दिनभित्र सुनमा भएको कालो बजारीको अन्त्यको लागि सरकारले प्रभावकारी कदम चाल्न सकेन भने मेरोे पेशाको लागि जीवन दिन तयार छु, घरजग्गा बेचेर सुरु गरेको व्यवसाय धरापमा पार्ने काम कालो बजारीले गरेका छन्, यीनलाई कारबाही र व्यवसायीलाई सहज आपुर्तिको वातावरण सिर्जना गर्नुपर्छ, यदि यसो नगरे म आमरण अनसनमा बस्छु ।’ आपुर्ति विभागका निर्देशक लक्ष्मण श्रेष्ठले बजारमा चलेका सुनचाँदी व्यवसायी महासंघका मानिसले नै कालो बजारी गरेको भन्ने खबर आफुले पहिलो पटक सुनेको बताए । निर्देशक श्रेष्ठले भने,‘पिडीतका मागहरू सम्बोधनका लागि म सरकारसँग छलफल गर्छु, संघर्ष समितिले जुन अल्टिमेटम दिएको छ, माग अघि सारेको छ, यसमा म गम्भिर छु, जहाँसम्म अनसन बस्नु नपर्ला । कार्यक्रममा राष्ट्रिय उपभोक्ता मञ्चका अध्यक्ष प्रेमलाल महर्जनले संसारमा २४ क्यारेटको गहना नबन्ने दावी गरेका छन् । अध्यक्ष महर्जनले भने,‘संसारमा २४ क्यारेटको गहना कहीँ कतै बन्दैन् तर नेपालमा खुलमखुल्ला रुपमा २४ क्यारेटको बिल बनाएर पठाउने गरिन्छ, यो सोझै बेईमानी हो, पटक–पटक सरकारले व्यवसायीहरूलाई मौका दिँदा पनि व्यवसायीभित्रका विभिन्न संगठनका कारण सरकारको निर्देशन विफल भएको छ, यही कारणले अनसन बस्नुपर्ने भएको छ, व्यवसायीका माग र अनेक प्रकारका अहसजताले सरकारलाई निर्देशिका बनाउने काममा अलमल पारेको छ ।’ त्यस्तै सुन चाँदी व्यवसाय पिडीत संघर्ष समितीका सदस्य सुसन सर्जन रामदामले नेपाल सुनचाँदी व्यवसायी महासंघ र नेपाल सुनचाँदी रत्न तथा आभुषण महासंघले व्यवसायीहरूलाई वितरण गर्दै आएको सुन चाँदि पारदर्शी रुपमा वितरण गर्नुपर्ने माग गरे । उनले भने,‘कालो बजारीको अन्त्य नगरी व्यवसायीको भविष्य जोगाउन महासंघ गैर जिम्मेबार भएर बसेको छ, सुन नपाएर व्यवसायीहरू आमरण अनसनमा बस्नु दुखको कुरा हो ।’
