जनता बैंकको निक्षेपमा १३ प्रतिशत ब्याज, स्ट्याण्डर्ड चाटर्डले ९.९९ प्रतिशतमा घर कर्जा दिने
काठमाडौं । जनता बैंकले १३ प्रतिशत ब्याजदरमा निक्षेप आव्हान गरेको छ । जनता बैंकले न्युनतम ७५ दिनदेखि एक बर्षसम्मका मुद्धति खाताहरुमा १३ प्रतिशत ब्याज दिने घोषणा गरेको छ । नेपाल बैंकर्स संघले १२ प्रतिशत भन्दा बढि ब्याज नदिने निर्णय गरेको केहि समय नबित्दै जनता बैंकले १३ प्रतिशतको ब्याजदरमा निक्षेप आव्हान गरेको हो । मुद्रास्फिति ३ प्रतिशतको हाराहारीमा हुँदा बैंकहरुले निक्षेपमा १३ प्रतिशत व्याज दिनु निक्षेपकर्ताको लागि निकै लाभ हुनु हो । बैंकहरुले संस्थागत निक्षेपकर्ताको लागि भने यसअघि नै १३.५० प्रतिशत व्याज दिन थालेका छन् । निक्षेप खातामा पनि बैंकहरुले ८ देखि ९ प्रतिशतसम्म व्याज दिन थालेका छन् । उता, स्ट्याण्डर्ड चाटर्ड बैंकले भने ९ दशमलब ९९ प्रतिशतमा घर कर्जा दिने भएको छ । सो दरमा शुन्य दशमलब ७५ प्रतिशत सेवा शुल्क भने जोडिनेछ । स्ट्याण्डर्ड चाटर्ड बैंकले अन्यत्र रहेको घर कर्जालाई बैंकको बिशेष घर कर्जा योजना अन्तर्गत पुनकर्जा लिन सकिने जनाएको हो । बैंकहरुले बचत खातामा ८ प्रतिशत व्याज नाघेको र मुद्दतीमा सार्वजनिक रुपमा नै १३ प्रतिशत व्याज दिन थालेको समयमा स्ट्याण्डर्ड चार्टर्ड बैंकले ९.९९ प्रतिशतमा कर्जा दिनु ग्राहकको लागि निकै लाभदायक योजना हो ।
नेपाल टेलिकमले देशभरका दुई सय वटा कार्यालय भवनमध्ये अधिकांश भाडामा लगाउने
काठमाडौं । नेपाल टेलिकमका देशभर रहेका विभिन्न भव्य महल अब भाडामा लगाउने भएको छ । टेलिकमले आगामी आर्थिक वर्ष २०७४/७५ देखि भवन भाडामा लगाउने गरी आवश्यक तयारी गरिरहेको छ । टेलिकमका भवन भाडामा लगाउने विषयमा गत फागुन दोस्रो साता बसेको टेलिकम सञ्चालक समितिले निर्णय पनि गरिसकेको छ । अब भवन कति वटा भाडामा लगाउने, कुन भवन टेलिकमले कति उपभोग गर्ने र कतिसम्म भाडामा लगाउने भन्ने विषयमा आवश्यक मापदण्ड बनाउने टेलिकमले जानकारी दिएको छ । टेलिकमले निर्णय गरेर सञ्चार मन्त्रालय पठाएको उक्त प्रस्तावमा आगामी साउन १ गतेबाटै भवन भाडामा लगाउने गरी निर्णय गरेको उल्लेख छ । टेलिकम स्रोतले दिएको जानकारी अनुसार हाल टेलिकमको देशभर २ सय वटा आफ्नै कार्यालय रहेका छन । यीमध्ये कतिलाई भाडामा लगाउने भन्ने विषयमा आवश्यक गृहकार्य भइरहेको पनि टेलिकम स्रोतले जानकारी दिएको छ । टेलिकमका अनुसार काठमाडौंसहित बाहिरी जिल्लाका भवन भाडामा लगाउने विषयमा आवश्यक गृहकार्य भइरहेको छ । टेलिकमको धेरैवटा जिल्लामा भव्य र अकर्षक भवन रहेका छन् । यी भवन सबै टेलिकमलाई नै प्रयोग नहुने र भाडामा लगाउँदा अतिरिक्त आम्दानी बढ्ने भएकोले पनि भवनको सहि सदूपयोग हुने निष्कर्ष टेलिकमले निकालेको छ । टेलिकम अनुसार काठमाडौंका रहेका भव्य र आकर्षक भवन भाडामा दिँनुको एउटै उद्देश्य आम्दानीको स्रोत बढाउनु नै हो । टेलिकमले आफ्नै भवनलाई पनि भाडामा लगाउँदा बार्षिक करोडौ आम्दानी बढ्ने भएको छ । आफ्नै भवन पूरै नचाहिने हुँदा यसलाई भाडामा प्रयोग गर्दा भएकै भवनले थप आम्दानी पनि दिने बुझाई टेलिकम अधिकारीको छ । साथै, टेलिकमले पूवधार निर्माणलाई भने निकै आक्रामक रूपमा अगाडि बढाएको छ । यो कम्पनीले धरहरा पनि बनाउने भएको छ । टेलिकमले बनाउने धरहराको लागि पुरात्व विभागले तयार पारेको डिजाइनलाई टेलिकमले अगाडि बढाउने भएको छ । टेलिकमले करीब तीन अर्ब रुपैयाँ खर्च गरेर दुई वर्ष अगाडि भत्किएको धरहरालाई आकर्षक ढंगबाट पुनःनिर्माण गर्ने भएको छ । टेलिकमले बनाउँने धरहरा भूकम्प प्रतिरोधी हुनका साथै हालको तुलनमा ठूलो क्षेत्रमा आकर्षक पनि हुने उल्लेख छ ।
टाटाको शानदार एक्स्चेन्ज अफर सफलतापूर्वक सम्पन्न
काठमाडौं । नेपालका लागि टाटा मोटर्सको आधिकारिक वितरक सिप्रदी टेडिङ्ग प्रा.लि.ले यही जेष्ठ ४ देखि जेष्ठ ११ गतेसम्म आयोजना गरेको शानदार एक्स्चेन्ज अफर सफल भएको जनाएको छ । आफ्ना ग्राहकहरुलाई सही एक्सचेन्ज मूल्य प्रदान गरि उत्कृष्ट सुविधा दिने उद्देश्यले उक्त एक्स्चेन्ज अफर नेपालका मुख्य शहरहरु जस्तै वीरगंजमा जेष्ठ ४, जावालाखेल र बुटवलमा जेष्ठ ५, थापाथलीमा जेष्ठ ६, नक्साल र नेपालगंजमा जेष्ठ ७ र नारायणघाटमा जेष्ठ ८ गते सम्पन्न गरिएको कम्पनीले जनाएको छ । उक्त एक्स्चेन्ज अफर अन्तर्गत जुनसुकै ब्राण्डका कारहरुको उचित मूल्य प्राप्त गरि ग्राहकहरुले आफ्नो पुरानो गाडी नयाँ टाटा जेस्ट, बोल्ट, टियागो, स्ट्रोम वा सुमो सँग एक्स्चेन्स गर्न मिल्ने व्यवस्था गरिएको थियो । सोही अवसरमा ग्राहकहरुलाई पुरानो गाडीको उचित मूल्याङ्कनसहित २५ प्रतिशत डाउन पेमेन्ट, १०.९९ देखि १४ प्रतिशतसम्मको ब्याजदर, अन द स्पट फाइनान्स सुविधा, शून्य प्रतिशत सर्भिस चार्ज र एक्स्चेन्सको लागि छिटो छरितो र झन्झटरहित प्रकृयाजस्ता विशेष सुविधाहरु प्रदान गरिएको कम्पनीले जानकारी दिएको छ ।
एनसेलकाे फोरजी सेवा राजधानी र मोफसलमा शुरु, थप ४० शहरहरुमा नेटवर्क परिक्षण
काठमाडौं । एनसेलका ग्राहकले अब बहुप्रतिक्षित चौथो पुस्ताको मोवाइल सेवा फोरजी/लङ्ग टर्म इभोलुसन (एलटिई) सेवाको मजा लिन सक्नेछन् । देशकै अग्रणी जिएसएम मोबाइल सेवा प्रदायक कम्पनी एनसेलले नवीन प्रविधिहरु भित्राउदै विश्वस्तरीय सेवा तथा ग्राहक अनुभव प्रदान गर्ने आफ्नो प्रतिवद्धता बमोजिम आफ्ना ग्राहकलाई उच्च गतिको मोबाइल ब्रोडब्याण्ड सेवामा पहुँच पुर्याउन फोरजी सेवा सुचारु गरेको गरेको जनाएको छ । फोरजी सेवा चल्ने नयाँ सिमकार्ड लिएका तथा फोरजी चल्ने मोवाइल भएका सबै एनसेल ग्राहकले यही बिहीबार (जेठ १८) बाट काठमाडौं उपत्यका लगायत नगरकोट, बनेपा र धुलिखेलमा फोरजी सेवाको लाभलिन सक्नेछन् । प्रविधि तटस्थताको अनुमति अन्तर्गत कम्पनीले आफ्ना ग्राहकलाई यो सेवा उपलब्ध गराएको होे । “हामीप्रविधि तटस्थताले देश र जनतामा ल्याउने वृहत सकारात्मक प्रभावका बारेमा सोचेर उत्साहित छौं । यसले हामीलाई डिजिटल नेपालको निर्माणको यात्रामा अघि बढाएको छ । हामीमा विश्वास गर्ने सबैप्रति हामी आभारी छौं । प्रविधि तटस्थताकाको उच्चतम सदुपयोग गर्दै डिजिटल नेपालको राष्ट्रिय लक्ष्य हासिलगर्नका लागि योगदान पु¥याउन हामीकटिबद्ध छाैं,” एनसेलका प्रबन्ध निर्देशक साइमन पर्किन्स्ले भने । यसै प्रतिबद्धता बमोजिम एनसेलले आगामी ७ महिना सम्ममा कुल जनसंख्याको १५ प्रतिशतमा फोरजी पुर्याउने लक्ष्य लिएको छ । यसका लागि कम्पनीले देशका विभिन्न ४० शहरहरुमा फोरजी सेवा सुचारु गर्ने योजनासहित नेटवर्क परीक्षण गरिरहेको छ । फोरजी/एलटिई प्रविधि अन्र्तगत फ्रिक्वेन्सीको प्रभावकारीतामा सुधार भई उच्च गतिको इन्टरनेट सेवा उपलब्ध हुने भएकाले ग्राहकले आफ्नो मोबाइल डिभासमा अझ धेरै र राम्रा एप्लिकेसनहरु प्रयोग गर्न, तत्काल महत्पपूर्ण ठूला फाइलहरु आदान–प्रदानगर्न, उच्च गुणस्तरका भिडियो सामाग्रीहरु सजिलै हेर्न लगायतका कामहरु गर्न सक्नेछन् । फोरजी सेवाको लाभ लिनका लागि ग्राहकले आफूले प्रयोग गरीरहेको सिमलाई नजिकैको एनसेल सेन्टरमा गई फोरजी चल्ने सिम (युसिम)सँग निःशुल्क साट्न सक्छन् । नयाँ ग्राहकले फोरजी सिमनै प्राप्त गर्नेछन् । नयाँ प्रविधिमा आधारित सेवा संचालनमा ल्याएको अबसरमा बिहीबार एनसेलको फोरजी सेवा प्रयोग गर्ने ग्राहकलाई ३ दिन समयावधि रहेको १ जिबी डेटा भोल्युम निःशुल्क प्रदान गर्ने जनाएको छ । साथै असार १६ गतेसम्म फोरजी सेवा लिने ग्राहकले भर्खरै सार्वजनिक भएको योण्डर म्युजिकएपमा फोरजी सेवा लिएको ३० दिनसम्म निःशुल्क अनलाईन गीत सुन्न सक्नेछन् । यस बाहेक कम्पनीले चाँडै नै डिभाइस सर्भिस बण्ड लिङ्गमा आकर्षक अफर तथा निःशुल्क रुपमा अनलिमिटेड फिल्ममा पहुँच हुने जस्ता रोचक योजनाहरु ल्याउने कम्पनीले जनाएको छ । हाल एनसेलले १ करोड ५० लाखभन्दा बढि ग्राहकलाई मोबाइल सेवा र ६० लाखभन्दा बढि ग्राहकलाई डेटा सेवा प्रदान गर्दै आएको जनाएको छ ।
विकेन्द्रित र पूर्वाधारमैत्री बजेट
सरकारले आगामी आर्थिक वर्ष २०७४/७५ का लागि १२ खर्ब ७८ अर्ब ९९ करोड बजेट ल्याएको छ । राजीनामा गरिसकेको काम चलाउ सरकारले ७ दशमलब २ प्रतिशतको आर्थिक वृद्धिदरको प्रक्षेपणसहितको महत्वकांक्षी बजेट ल्याएको हो । निर्वाचन आचार संहिता लागू भएको र सरकार काम चलाउ बनिसकेको अवस्थामा आएको बजेटले सबै राजनीतिक दलहरुको चित्त बुझाउन सफल भएको देखिन्छ । मुलुक संघीय संरचनामा गएपछि पहिलो पटक आएको बजेटले वित्तीय विकेन्द्रिकरणलाई पनि बिशेष महत्व दिएको छ । स्थानीय तहले यथेष्ठ बजेट प्राप्त गरेको छ । जन निर्वाचित स्थानीय तहका लागि विनियोजन गरिएको ठूलो रकमले स्थानीय स्तरमा विकास निर्माणका कामले गति प्राप्त गर्नेछन् । विकास निर्माणमा जनताले सहभागिता र अपनत्वको अनुभव पनि गर्न पाउनेछन् । बजेटले अघि सारेको पूर्वाधार विकास केन्द्रित कार्यक्रमलाई सहि ढंगले अघि बढाउन सकियो भने विकास निर्माणले गति लिने मात्रै होइन, व्यापक मात्रामा रोजगारीको सृजना पनि हुनेछ । मौसमी अनुकुलताका संकेतहरु देखा परिसकेका छन् । मधेशको आन्दोलन पनि समाधानको बाटोमा अघि बढेको छ । आगामी आर्थिक वर्षमा हुने सम्भावित राजनीतिक स्थायीत्व र सहज बन्दै गएको विद्युत आपूर्तिले पनि अर्थतन्त्रलाई गतिशिल बनाउने देखिन्छ । फास्ट ट्रयाक, हुलाकी राजमार्ग, बुढीगण्डकी जलविद्युत आयोजना, निजगढ, भैरहवा र पोखरा विमानस्थल, मध्यपहाडी लोकमार्ग, पुर्व पश्चिम रेलमार्ग लगायतका ठूला पूर्वाधार आयोजनाको काम अघि बढाउन सकिए आगामी आर्थिक बर्ष फलदायी हुने निश्चित छ । सन् २०३० सम्म नेपाललाई मध्यम आय भएका देशको सूचीमा सूचिकृत गर्ने लक्ष्यसहित नयाँ बजेटले कार्यक्रमहरु अघि सारेको छ । तर यसपालीको बजेटले जनतालाई प्रत्यक्ष लाभ दिने कार्यक्रम भने कुनै समावेश गरेको देखिन्न । बजेट राजनीतिक नेतृत्व वा परियोजनाका ठेकेदारको हातमा पुग्ने खालको छ । आम जनताको प्रत्यक्ष सरोकार भएको समाजिक सुरक्षा वा अन्य त्यस्तै प्रकारका प्रत्यक्ष जनसरोकारका एजेण्डा बजेटमा परेको छैन् । यसले बजेटलाई सीमित वर्गको हितमा उपयोग गर्ने सम्भावना बढाउन सक्छ । संक्रमणकालिन राजनीतिक व्यवस्थामा आएको बजेट खर्च गर्ने उपयुक्त संरचना निर्माण भैसकेको छैन् । यसले बजेट कार्यान्वयन प्रणालीमा उपयुक्त अनुगमन गर्ने संयन्त्रको विकास गर्न सकिएन भने दुरुपयोगको सम्भावना पनि बढाउँछ । बैदेशिक व्यापार घाटा देशको प्रमुख समस्या हो । यो समस्या समाधान तर्फ बजेट मौन छ । जीडीपीमा उत्पादन मुलक क्षेत्रको योगदान घट्दै गएको छ । उत्पादन मुलक उद्योगमा लगानी आकर्षित गर्न बजेट पूर्णत असफल छ । जीडीपीमा निजी क्षेत्रको योगदान ७० प्रतिशत छ भनेर भाषण गर्न, लेख्न, मौका मिल्दा निजी क्षेत्रको योगदानको तारिफ गर्न मन्त्री, सरकारका उच्च अधिकारीहरु छुटाउँदैनन् । तर यस पालीको बजेटले निजी क्षेत्रलाई देखेन, चिनेन, कहीँ कतै पनि संबोधन गरेन । निजी क्षेत्र निराश भएको छ । यद्यपी बजेटले लामो समयको राजनीतिक संक्रमणलाई तोडेर संघीयता मार्फत नयाँ बाटोमा अघि बढेको मुलुकलाई मार्गनिर्देश भने गरेकै छ । व्यापक वित्तीय हस्तान्तरण मार्फत स्थानीय तहलाई सशक्तिकरण गर्दै गाउँ गाउँमा विकास र समृद्धिको गोरटो कोर्न बजेट सफल भएको छ । स्थानीय तहको निर्वाचनसँगै बजेटको विकेन्द्रीकरणले विगत एक दशकदेखि सरकारी बजेट खर्च नहुने समस्या हल गर्ने सम्भावना छ । स्थानीय तहमा राजश्व परिचालनदेखि विकास निर्माणको योजना अगाडि बढाउन यो बजेट सहयोगि नै हुनेछ ।
एनबी इन्सुरेन्सको २७ लाख कित्ता हकप्रद सेयर निष्कासन, जेठ ५ गतेबाट आवेदन खुला
काठमाडौ । एनबी इन्सुरेन्स कम्पनी लिमिटेडले २७ लाख कित्ता हकप्रद सेयर निष्कासन गरेको छ । यो बीमा कम्पनीले प्रति सेयर एक सय रुपैयाँका दरले भुक्तानी गर्नुपर्ने गरी निकालेको हकप्रद एक सेयर बराबार एक अर्थात १ः१ कै अनुपातमा हकप्रद निष्कासन गरेको छ । यो बीमा कम्पनीको २७ करोड रुपैयाँको चुक्तापुँजीमा सोही रकम नै बढाउँन हकप्रद निष्कासन गरेको हो । यसको सेयर खरिद गर्न यही जेठ ३ गतेसम्म कारोबार गरेका सेयरधानीले मात्रै पाउने उल्लेख छ । यसको सेयर खरिद गर्न यही असार ५ गतेदेखि साउन ९ गतेम्म आवेदन दिन पाइने कम्पनीले उल्लेख गरेको छ । यसको धितोपत्र निष्कासन तथा विक्री प्रवन्धक ग्लोबल आइएमई क्यापिटल लिमिटेड हो ।
भागर्व विकास बैंकको ८५ हजार कित्ता सेयर लिलामीमा
काठमाडौं । भागर्व विकास बैंक लिमिटेडले ८५ हजार २३१ कित्ता सेयरको लिलामीमा विक्री गर्ने भएको छ । यो बैंकको संस्थापक ३२ हजार ४६६ र सर्वसाधारणतर्फको ५२ हजार ७६५ कित्ता सेयर बोलकबोलबाट विक्री हुने भएको छ । बैैंकले एक सय रुपैयाँको न्युनतम कबोल रकम राखेर सेयर विक्रीको सूचना जारी गरेको छ । एकै व्यत्तिले सबै सेयर पनि किन्न पाउने छ । यसको सेयर खरिद गर्न यही जेठ २६ देखि असार २ गतेभित्र आवदेन दिनुपर्ने पनि उल्लेख छ । यसको विक्री प्रवन्धक एनएमबी क्यापिटल लिमिटेड हो ।
वायुसेवा निगमको बोइङ विकेन, बजारमा नयाँ किन्दा ५ अर्ब पर्ने जहाज १७ करोडमा किन्न कोही आएनन्
काठमाडौं । नेपाल वायुसेवा निगले तीन दशक पुरानो एकथान १९० सिट क्षमताको बोइङ जहाज विक्रीमा राखेको भएपनि कोही किन्न आएनन् । निमगले पहिलोपटक आवेदन गरेको ग्लोवल टेण्डरमा एउटापनि आवेदन नपरेपछि पुनः आवेदन गरेको वायसेवा निगमका प्रवक्ता रविन्द्र श्रेष्ठले जानकारी दिए । उनका अनुसार जहाजको न्युनतम मुल्य १७ करोड रुपैयाँ राखिएको थियो । जेठ १० सम्मको समय दिएर मागेको प्रस्तावमा कोही नआएपछि फेरि जेठ २९ सम्मको लागि प्रस्तावमा मागिएको छ । निगमको यही क्षमताको जहाज खरिद गर्नुपर्दा अहिले ५ अर्ब रुपैयाँभन्दा बढी खर्च हुन्छ । नागरिक दैनिकबाट ।
