कोरियन भाषा परीक्षाको फर्म खुल्यो, यो वर्ष १० हजारलाई कोरिया लैजाने
काठमाडौं । सरकारले सन् २०१८ को कोरियन भाषा परीक्षाको आवेदन फारम आजदेखि खुला गर्ने भएको छ । रोजगार अनुमति प्रणाली (ईपीएस) अन्तर्गत कामका लागि कोरिया जान भाषा परीक्षा पास गर्नुपर्छ । कोरिया ईपीएस शाखाका निर्देशक बाबुराम खतिवडाका अनुसार बुधबार बिहान ९ बजेदेखि अनलाईन आवेदन फारम खुला हुनेछ । यसरी खुला भएको अनलाइन आवेदन फारम यही चैत १८ गते राति १२ बजेसम्म भर्न पाइनेछ । शाखाले अनलाइन फारम भर्दा कुनै समस्या नहोस भनी आठ जना भन्दा बढी इन्जिनियर २४ सै घण्टा सम्पर्कमा राख्ने भएको छ । अन्नपूर्ण पोस्टबाट ।
लाखौँ खर्च भयो, तर स्ववियु निर्वाचन भएन
काठमाडौं । त्रिभुवन विश्वविद्यालयले घोषणा गरेको स्ववियु निर्वाचन सम्पन्न हुन नसक्दा विभिन्न ३६ क्याम्पसले लाखौँ रुपैयाँ व्यर्थमा गुमाएका छन् । त्रिविका ठूला आंगिक क्याम्पसमा स्ववियु निर्वाचन प्रक्रिया सुरु भए पनि सम्पन्न हुन सकेन । जसका कारण विद्यार्थीबाट उठाएको लाखौँ खर्च भए पनि उनीहरूले स्ववियु नेतृत्व पाउन सकेनन् । त्रिविले शंकरदेव क्याम्पसका लागि आठ लाख रुपैयाँ खर्च गर्न पाउने सिलिङ तोकेको थियो । एकपटक १८ फागुन र अर्कोपटक सर्वपक्षीय छलफलबाट २३ फागुनका लागि स्ववियु निर्वाचन गर्ने मिति तोकिएको थियो । तर, निर्वाचन हुन सकेन । क्याम्पस प्रमुख कृष्ण आचार्यका अनुसार यसक्रममा निर्वाचन तयारीमै करिब तीन लाख रुपैयाँ खर्च भइसकेको थियो । क्याम्पस प्रमुख आचार्यले भने, ‘न स्ववियु निर्वाचन सम्पन्न भएर परिणाम आयो, न रकम नै जोगियो ।’ आरआर क्याम्पसमा पनि स्ववियु निर्वाचनका नाममा दुई लाखको हारहारीमा खर्च भएको क्याम्पस प्रमुख डा। निर्मलाकुमारी सुवालले बताइन् । सुवालले भनिन्, ‘निर्वाचन सम्पन्न गर्न ९० प्रतिशत काम भएको थियो, तर अन्तिम समयमा रोकियो, रकम भुक्तानी गरेका छैनौँ, के गर्ने अलमलमा छौँ ।’ निर्वाचनका लागि आवश्यक सामग्री सबै जुटाइसकेकाले खर्च भइसकेको उनले जानकारी दिइन् । आवश्यक सामग्री खरिद गरे पनि आरआर क्याम्पसले भुक्तानी भने गरेको छैन । १८ फागुनमा तालाबन्दीका कारण स्ववियु निर्वाचन हुन नसकेपछि आरआर क्याम्पसले २३ फागुनका लागि निर्वाचन तयारी गरेको थियो । तर, अन्तिम समयमा स्थानीय तहको निर्वाचन आचारसंहिताको कारण देखाएर प्रशासनले निर्वाचन रोकेको थियो । सो क्याम्पसमा निर्वाचन नरोक्न सर्वोच्च अदालतले अन्तरिम आदेश दिइसकेको छ । तर, अब कहिले निर्वाचन हुन्छ भन्ने तय हुन सकेको छैन । के–केमा भयो खर्च त्रिविले क्याम्पसमा विद्यार्थी संख्याका आधारमा खर्चको सिलिङ तोकेको थियो । क्याम्पसहरूले विद्यार्थी कल्याणकारी कोष वा अन्य शीर्षकबाट खर्च गरेका छन् । क्याम्पसको निर्वाचन कमिटीको बैठक भत्ता, खाना, खाजा, स्टेसनरी, छपाइलगायतमा खर्च गरेका छन् । त्रिविका ठूला आंगिक क्याम्पसमा स्ववियु निर्वाचन हुन सकेको छैन । तर, अधिकांशले निर्वाचन प्रक्रिया सुरु भए पनि सम्पन्न गर्न सकेका छैनन् । त्रिविका ६० वटा आंगिक क्याम्पसमध्ये २४ वटामा मात्र निर्वाचन सम्पन्न भएको छ । उपत्यकाका शंकरदेव, आरआरसहित विश्वविद्यालय क्याम्पस, त्रिचन्द्र, अमृत साइन्स, महेन्द्ररत्न, सरस्वती, नेपाल ल, विश्वभाषाजस्ता ठूला क्याम्पसमा स्ववियु निर्वाचन सम्पन्न हुन सकेको छैन । ०६५ यता गत फागुनमा त्रिविले स्ववियु निर्वाचनको तालिकाअनुसार आधामा पनि सम्पन्न हुन सकेन । तर, स्ववियुका नाममा लाखौँ खर्च भएको छ । विद्यार्थीअनुसार खर्च सिलिङ त्रिविका विद्याथी कल्याण निर्देशनालयका कार्यकारी निर्देशक गंगाबहादुर थापाले विद्यार्थीअनुसार खर्चको सिलिङ तोकेको बताए । त्रिविले दिएको सिलिङभन्दा बढी खर्च भए केन्द्रमा जानकारी आउनुपर्ने व्यवस्था गरेको उनले बताए । त्रिविले दुई सयसम्म विद्यार्थी हुने क्याम्पसलाई ७५ हजार, एक हजारसम्म विद्यार्थी भएका क्याम्पसलाई एक लाख ५० हजार, तीन हजारसम्म विद्यार्थी हुनेलाई तीन लाख, ५ हजारसम्म विद्यार्थी हुनेलाई ६ लाख खर्चको सिलिङ तोकेको थियो । ५ हजारभन्दा बढी विद्यार्थी भएका क्याम्पसमा ८ लाखसम्म खर्च गर्न पाउने गरी सिलिङ तोकिएको थियो । निर्वाचन सम्पन्न भएका क्याम्पस पक्लीहवा कृषि क्याम्पस, नेपालगन्ज नर्सिङ क्याम्पस, हेटौँडा वन विज्ञान, डडेल्धुरा शिक्षा क्याम्पस, नर्सिङ क्याम्पस वीरगन्ज, पुल्चोक इन्जिनियरिङ, थापाथली इन्जिनियरिङ, धौलागिरि बहुमुखी क्याम्पस बाग्लुङ, लमजुङ कृषि क्याम्पस, नर्सिङ क्याम्पस महाराजगन्ज, सानोठिमी शिक्षा क्याम्पस, महाराजगन्ज चिकित्सा क्याम्पस, डोटी क्याम्पस, सुर्खेत शिक्षा, जनप्रशासन, भक्तपुर क्याम्पसमा निर्वाचन सम्पन्न भएको छ । त्यसैगरी पश्चिमाञ्चल इन्जिनियरिङ, नर्सिङ क्याम्पस, वन विज्ञान, पूर्वाञ्चल इन्जिनियरिङ धरान, महेन्द्र बहुमुखी क्याम्पस, केन्द्रीय प्रविधि, भोजपुर क्याम्पस र मेची क्याम्पसमा स्ववियु निर्वाचन सम्पन्न भएको छ । नयाँ पत्रिका दैनिकबाट ।
भूकम्प प्रभावित ७ जिल्लामा एक वर्षमै ब्रोडव्याण्ड, सुविसु र मर्कन्टाइललाले पाए इन्टरनेट पुर्याउने जिम्मा
काठमाडौं । भूकम्प प्रभावित ७ जिल्लामा ब्रोडव्याण्ड इन्टरनेट (द्रुत गति)को पूर्वाधार तथा नेटवर्क जडान गर्ने जिम्मा सुविसु केवल नेट प्रालि र मर्कनटायल कम्युनिकेशन प्रालिले पाएको छ । दूरसञ्चार प्राधिकरणले गोरखा, धादिङ, मकवानपुर, दोलखा, रामेछाप, सिन्धुली र ओखलढुंगामा ब्रोडव्याण्ड इन्टरनेट पुर्याउने जिम्मा सुविसु र मर्कन्टायललार्य दिने प्राधिकरणले निर्णय गरेको हो । प्राधिकरणले सबै जिल्लामा तिव्र गतिको इन्टरनेट पुर्याउने योजना अनुसार यो काम गरेको उल्लेख छ । हाल ७ जिल्मा सुर गएको भएपनि बाँकी जिल्लामा पनि तिव्र गतिले काम सुरु गरिरहेको उल्लेख छ । प्राधिकरणले ग्रामिण दुरसञ्चार विकास कोषको रकम प्रयोग गरेर गाउँसम्म इन्टरनेट पुर्याउँन लागेको उल्लेख छ । नयाँ पत्रिका दैनिकबाट ।
एटिएम ठगीको नयाँ शैली, अनलाइनबाटै डाटा ह्याक गरेर तीन करोड ३१ लाख चोरी
काठमाडौं । नक्कली एटिएममार्फत भइरहेको नयाँ शैलीको ठगी प्रहरीले पत्ता लगाएको छ । नेपालमै बसेर विदेशमा रहेका व्यक्तिहरूको एटिएम डाटा अनलाइनबाटै ह्याक गरेर एक समूहले करोडौँ पैसा निकालिसकेको प्रहरीले पत्ता लगाएको हो । त्यस्तो गिरोहका आठजना पक्राउ परेका छन् । यो खबर आजको नयाँ पत्रिकामा छ । दुई वर्षदेखि नक्कली एटिएमबाट पैसा चोरी गर्दै आएको गिरोहका नाइके सुरेश केसीसहितका आठजनालाई महानगरीय अपराध महाशाखाले तीन दिनको अनुसन्धानपछि पक्राउ गरेको हो । उनीहरूले हालसम्म काठमाडौं तथा पोखराका होटेल तथा पसलमा रहेका प्वाइन्ट अफ सेल ९पिओएस० मेसिनहरूबाट तीन करोड ३१ लाख रुपैयाँ ठगी गरिसकेका छन् । गिरोहमा आबद्ध भारतीय नागरिक अभिषेक पाण्डेलाई समेत पक्राउ गरी अनुसन्धान अघि बढाइएको महाशाखाका प्रमुख एसएसपी दिनेश अमात्यले बताए । पक्राउ पर्ने अन्यमा केवलशमशेर जबरा, अभिषेक नकर्मी, अनुज नकर्मी, विजय लामा र नदिम खान छन् । केवलशमशेर दुई वर्षअघि पनि एटिएम ठगी अपराधमा जेल परेर छुटेका हुन् । अभिषेक र अनुजले गिरोहका लागि सहयोगीका रूपमा काम गरेका थिए । त्यस्तै, लामा र खान प्वाइन्ट अफ सेल (पिओएस)मेसिन दुरुपयोग गरी ठगीमा सघाउने व्यवसायी हुन् । खानको क्षेत्रपाटीमा डी सोभिनियर नामको पसल छ भने लामाको भक्तपुरमा पौराणिक थान्का पसल छ । आफ्नो पसलमा रहेको पिओएस मेसिन दुरुपयोग गरेर उनीहरूले लाभ लिएको अपराध महाशाखाका एसपी प्रकाशजंग कार्कीले बताए । एटिएम ठगीको नयाँ शैली स् बिटक्वाइन कारोबारी र आइसिक्वु नामक एप्समार्फत सो गिरोहले विदेशी नागरिकको डेबिट तथा क्रेडिट कार्डहरूको डाटा चोरी गरेको अनुसन्धान अधिकृत रहेका महाशाखाका डिएसपी अजय केसीले बताए । आइसिक्वु एप्समा रहने ब्रोकरहरूमार्फत उनीहरूले एटिएमको डाटा बेच्ने गर्दथे । ५० देखि ५ सय अमेरिकन डलरसम्म तिरेर उनीहरूले त्यस्ता एटिएम पिन नम्बरसहितको डाटा किन्ने र सोही डाटाबाट नक्कली एटिएम कार्ड बनाउँदै आएका थिए । नयाँ पत्रिका दैनिकबाट ।
महिन्द्रा टू व्हीलरको नयाँ वर्षे योजना, क्र्याच कुपनमा ४०० प्रतिशतसम्म क्यास ब्याक
काठमाडौं । महिन्द्रा टु–व्हीलर्स् लि.को आधिकारिक वितरक अग्नि मोटो इन्क प्रा. लि. ले नयाँ वर्षको अवसरलाई लक्षित गर्दै “नयाँ वर्षमा यसपाली, स्क्र्याच गरौं दुईताली” नामक रोचक योजना बजारमा ल्याएको छ । यस योजना अन्तर्गत महिन्द्रा टू व्हीलर खरिदकर्ताहरुका लागि ४०० प्रतिशतसम्म क्यास ब्याक बोनस पाउने नौलो अवसर रहेको छ । यसपाली ग्राहकहरुले हरेक खरिदमा पाउने स्क्र्याच कार्डमा दुई पटकसम्म स्क्र्याच गर्न सकिने व्यवस्था रहेको छ । पहिलो स्क्र्याचमा ग्राहकहरुले १ लाख रुपैयाँसम्म पक्का जित्ने र दोश्रो स्क्र्याचमा उक्त रकमको ४०० प्रतिशतसम्म बोनस क्यास जित्ने अवसर रहेको छ । यस योजनासँगै महिन्द्रा टू व्हीलर खरिद गर्ने ग्राहकहरुका लागि यो नयाँ वर्षमा थप उत्साह भरिने कम्पनीको विश्वास रहेको छ ।
श्रीराम सुगर मिल्सको वार्षिक साधारणसभा चैत २८ गते, कहिलेदेखि बुक क्लोज?
काठमाडौं । श्रीराम सुगर मिल्स लि.ले चैत २८ गते कम्पनीको २२औँ वार्षिक साधारणसभा बोलाएको छ । सो प्रयोजनको लागि चैत १५ गतेदेखि २८ गतेसम्म कम्पनीको बुक क्लोज गर्ने हुने छ । हाल कम्पनीको चुक्ता पूँजी ३० करोड ४५ लाख रुपैयाँ रहेको छ । मंगलबार कम्पनीको सेयर मूल्य प्रतिकित्ता ११४ रुपैयाँ रहेको छ ।
चिनियाँ अनुदानको साढे १० हजार लिटर तेल खान ‘अयोग्य’
काठमाडौं । गत वर्ष विनाशकारी भूकम्पपछि चिनियाँ सरकारले अनुदानमा दिएको करिब साढे दस हजार लिटर तेल खान ‘अयोग्य’ भएको छ । १४ महिनासम्म सरकारले चिनियाँ अनुदानको करीब १० हजार ६ सय लिटर तेल बिक्रीवितरण नगरी गोदाममा थन्काएर राखेको तेल खान नमिल्ने भएको खाद्य प्रविधि तथा गुणस्तर विभागले जनाएको छ । उक्त खानेतेल न्युन गूणस्तरको रहेको विभागका प्रवक्ता पूर्णचन्द्र वस्तीले जानकारी दिए । उनले भने, ‘हामीलाई गत साउनमा परिक्षणको लागि पठाइएको थियो । नतिजामा तेल कच्चा होकी प्रशोधित हो नखुलेको उल्लेख छ । जहाँसम्म प्रशोधित हो भने न्यून गूणस्तरको हो ।’ गतवर्ष पुस २८ गते चिनियाँ सरकारले १० हजार ६ सय लिटर तेल अनुदानस्वरूप नेपाल सरकारलाई उपलब्ध गराएको थियो । भूकम्पपछिको पुनर्निर्माण तथा राहतका लागि नेपाललाई उपलब्ध गराउने भनेर प्रतिबद्धता जनाएको रकमबाट कटाउने गरी चीन सरकारले उक्त परिमाणको तेल नेपाल सरकारलाई दिएको थियो । लेबल स्पष्ट नभएको खाद्य संस्थानका प्रवक्ता शंकर सापकोटाका अनुसार तेलमा लेबल स्पष्ट नभएकाले परिक्षणका लागि खाद्य प्रविधिमा पठाइएको थियो । चीन सरकारले अनुदानस्वरूप नेपाल सरकारलाई तेल उपलब्ध गराएपछि तेलको उपभोग गर्न मिल्ने वा नमिल्ने भन्ने सम्बन्धमा खाद्य प्रविधि तथा गुण नियन्त्रण विभागले परीक्षण गरेको उनले बताए। उनले भने, ‘परिक्षणपछि विभागले मापदण्ड विपरित भएको भन्दै नतिजा पठाएको थियो । अझै तेललाई के गर्ने भन्नेबारे टुंगो लागेको छैन।’ विभागको मापदण्ड अनुसार खानेतेलमा ०.५ प्रतिशत एसिड भ्याल्यु चाहिन्छ । तर प्रयोगशाला परीक्षणका क्रममा उक्त तेलको एसिड भ्याल्यु १.५ प्रतिशत पाइएको र यसले तेल निकै पुरानो भएको संकेत गरेको वस्तीले बताए । उनले भने, ‘तेलको लेबल प्रस्ट छैन । चिनियाँ भाषामा लेखिएकाले पनि बुझ्न नसकिएको हुनसक्छ । कच्चा तेलको हकमा सो एसिड भ्याल्यु उपयुक्त हुन्छ ।’ प्रचलित कानुन अनुसार उद्योग बाहेकका क्षेत्रलाई कच्चा तेल आयात गर्ने र प्रशोधन गरी बेच्ने अधिकार दिइएको छैन । विभागका अनुसार उक्त तेल प्रशोधित वा कच्चा के हो भन्नेसम्म पनि स्पष्ट हुन सकेको छैन । हाल तेललाई काठमाडौंको धान गोदाममा राखिएको छ । प्रति दुई सय लिटर क्षमताका ५३ वटा ट्यांकीमा तेल राखिएको छ ।
प्रुडेन्सियल इन्स्योरेन्सको २० प्रतिशत बोनस सेयर र ३० प्रतिशत हकप्रद सेयर पारित
काठमाडौं । प्रुडेन्सियल इन्स्योरेन्सले गत वर्षको नाफाबाट सेयरधनीलाई २० प्रतिशत बोनस दिने भएको छ । साथै, कम्पनीले सो मात्राको बोनस पश्चात कायम हुन आउने पूँजीमा ३० प्रतिशत हकप्रद सेयर निष्कासन गर्ने भएको छ । मंगलबार सम्पन्न कम्पनीको १५औँ वार्षिक साधारणसभाले कम्पनीको सञ्चालक समितिको उक्त प्रस्तावलाई पारित गरेको छ । हाल कम्पनीको चुक्ता पूँजी ३५ करोड ६४ लाख रुपैयाँ रहेको छ । २० प्रतिशत बोनस सेयर र ३० प्रतिशत हकप्रद सेयर पश्चात कम्पनीको चुक्ता पूँजी ५५ करोड ५९ लाख रुपैयाँ नाघ्ने कम्पनीद्धारा जारी विज्ञप्तिमा उल्लेख छ । साथै, सभाले सञ्चालक समितिको तर्फबाट अध्यक्ष अशोक कुमार अग्रवालद्धारा प्रस्तुतआर्थिक वर्ष २०७२/७३को वार्षिक प्रतिवेदन पारित गरेको छ । कम्पनीले आर्थिक वर्ष २०७२/७३मा ८७ करोड १७ लाख २६ हजार ९ सय ६४ रुपैयाँ प्रिमियम आर्जन गरेको अध्यक्ष अग्रवालले बताएका छन् । उक्त प्रिमियम रकम अघिल्लो वर्षको तुलनामा ११.५९ प्रतिशतले बढी हो । कम्पनीका अनुसार आ.व. २०७२/७३मा इन्स्योरेन्सको खुद नाफा १५ करोड ३२ लाख रुपैयाँ रहेको छ । साथै,उक्त सभामा कम्पनीले समुह (ख) सर्वसाधारण सेयरधनीहरुबाट एक (१)जना संचालक विष्णु भण्डारीलाई संचालक पदमा निर्विरोध रुपमा निर्वाचित गरेको छ ।
