प्रारम्भिक मतगणनामा गगन थापाभन्दा अमरेशकुमार सिंह तेब्बर मतले अगाडि
काठमाडौं । नेपाली कांग्रेसका सभापति गगनकुमार थापा प्रारम्भिक मतगणनामा अमरेशकुमार सिंहभन्दा तेब्बर मतले पछाडि परेका छन् । प्रारम्भिक मतपरिणामअनुसार सर्लाही-४ बाट प्रतिनिधिसभा सदस्य निर्वाचन लडेका थापाले ५३६ मत प्राप्त गरेका छन् । रास्वपाबाट सो क्षेत्रमा चुनाव लडेका अमरेशकुमार सिंहले १९०८ मत प्राप्त गरेका छन् । नेकपाका रजनीश रायले ३७९ मत प्राप्त गरेका छन् । सर्लाही-४ को मतगणना अमरेश सिंहको घर भएको क्षेत्रबाट गरिएका कारण सुरुवाती मतपरिणाममा उनी थापाभन्दा निकै अगाडि देखिएका कांग्रेस नेताहरुको दाबी छ ।
मोरङ- ६ मा रास्वपाकी आचार्य अगाडि
काठमाडौं । मोरङ–६ मा राष्ट्रिय स्वतन्त्र पार्टी (रास्वपा) की उम्मेदवार रुविना आचार्यले फराकिलो अग्रता बनाएकी छन् । उनले ३ हजार ४२३ मत प्राप्त गर्दा नेपाली कांग्रेसका उम्मेदवार शेखर कोइरालाले ७२८ मत पाएका छन् । त्यस्तै, नेकपा एमालेका उम्मेदवार विनोद ढकालले ६२७ मत पाएका छन् ।
चितवन -२ अपडेट : रास्वपाका लामिछाने ४ हजार ३७१ मतले अगाडि
काठमाडौं । पछिल्लो मतगणनाअनुसार राष्ट्रिय स्वतन्त्र पार्टी (रास्वपा) का सभापति लामिछाने निकटतम प्रतिस्पर्धीभन्दा ४ हजार ३७१ मतले अगाडि रहेका छन् । अहिलेसम्म रास्वपाका सभापति रवि लामिछानेले ६ हजार ७०० मत ल्याउँदा उनका निकटतम प्रतिस्पर्धी नेकपा एमालेका उम्मेदवार अस्मिन घिमिरेले २ हजार ३२९ मत ल्याएका छन् । त्यस्तै, नेपाली कांग्रेसकी उम्मेदवार मीना खरेलले २ हजार ३२२ मत प्राप्त गरेकी छिन् भने नेपाली कम्युनिस्ट पार्टी (नेकपा) का प्रताव गुरुङले १ हजार ५५७ मत ल्याएका छन् । हालसम्म १४ हजार २२ मत गणना भएको छ ।
