भूकम्प कम प्रभावित जिल्लाको लगत संकलन कार्य शुरु, थप सय इन्जिनियर अपुग
काठमाडौं, २ माघ । केन्द्रीय तथ्याङ्क विभागले भूकम्प कम प्रभावित जिल्लाको लगत संकलन कार्य शुरु गरको छ । २०७२ वैशाख १२ को भूकम्प र तयसपछिको परकम्पनले नेपाका ३१ जिल्लामा क्षति पुर्याएको थियो । त्यस मध्ये अतिप्रभावित १४जिल्लाको लगत संकलन कार्य यस अघिनै सकिसकेको छ भने बाँकी १७ जिल्लामा भूकम्प प्रभावितको लगत संकलन कार्य शुरु गरको हो । उक्त १७ जिल्लाको लगत संकलन गर्न पाँचसय ४० इन्जिनियर आवश्यक पर्नेमा हाल विभागले करिब तीन सय इन्जिनियरलाई फिल्डमा पठाइसकेको विभागका उपमहानिर्देशक डा. रुद्र सुवालले जानकारी दिए । ‘सर्वेक्षणका लागि हामीलाई पाँच सय ४० इन्जिनियरको आवश्यकता छ,’ उनले भने ‘ एक सयलाई भोलि सोमबारदेखि तालिम दिँदै छौं भने अर्को एक सयभन्दा बढी इन्जिनियकर अझैसम्म पाएका छैनौ ।’ आगामी सातासम्म इन्जिनियरहरुलाई फिल्डमा पठाउन नसके लगत संकलन कार्य ढिला हुन सक्छ । सरकारले माघ महिनासम्म भूकम्प प्रभावित सबै जिल्लाको लगत संकलन गर्ने कार्य गरिसक्ने कार्यक्रम बनाएको थियो । ‘तर, आगामी सातासम्म पनि इन्जिनियर पाइएन भने तथ्याङ्क संकलननै ढिला हुन जान्छ ।’ यस अघि भूकम्प प्रभावित क्षेत्रको लगत संकलन गर्दा सरकारले अध्ययन पुरा नगरेका इन्जिनियरका पढ्दै विद्यार्थीलाइ समेत सो कार्यक्रम (लगत संकलन) मा समावेश गरेका थिए । त्यसले गर्दा तथ्याङक संकलनमा समस्या आएपछि अहिले भने डिप्लोमा पास गरेर प्रमाणपत्र पाइसकेका इन्जिनियरलाई मात्र सो कार्यधक्रममा समावेश गर्ने नीति बनाएसँगै इन्जिनियरको अभाव भएको हो । अब अर्को सातासम्म पनि इन्जिनियर नपाएमा पढ्दै गरेका विद्यार्थीलाई भएपनि लगत संकलन कार्यमा समावेश गर्नु पर्ने वाध्यता हुने सुवालको भनाइ छ । सुवालका अनुसार पहिलेको जस्तै ट्यावमा तथ्याङ्क संकलन कार्य गरिने भएकोले कतिपय जिल्लाको लगत आउने कार्य पनि भइरहेको छ । सरकारले यस अघि भू्कम्प अतिप्रभावित १४ जिल्लाको लगत संकलन कार्य गरिसकेको छ । धेरै जसो घरधनीसँग अनुदान सम्झौता गरेर धमाधम पहिलो तथा दोस्रो किस्ता अनुदान वितरण कार्य भइरहेको छ । सबैभन्दा पछि शुरु गरिएको काठमाडौं उपत्यकाको लगत संकलन कार्य पनि सकिएर यहाँ पनि अनुदानको पहिलो किस्ता वितरण कार्य भइरहेको छ । भूकम्प कम प्रभावित जिल्लाहरुः कास्की, तनहुँ, लमजुङ, स्याङ्जा, बागलुङ, गुल्मी, पाल्पा, पर्वत, गुल्मी, म्याग्दी, अर्घाखाची, सोलुखुम्बु, संखुवासभा, नवलपरासी, भाजपुर, धनकुटा, खोटाङ
हाम्रो विकास बैंकको सञ्चालकमा जीवन बहादुर श्रेष्ठ चयन
काठमाडौं, २ माघ । हाम्रो विकास बैंकको सञ्चालकमा जीवन बहादुर श्रेष्ठ चयन भएका छन् । पुस २९ गते सम्पन्न बैंकको आठौँ वार्षिक साधारणसभाले श्रेष्ठलाई आगामी चार वर्षको लागि सञ्चालकमा चयन गरेको हो । श्रेष्ठको कार्यकाल पुस २९ गतेदेखि नै शुरु भएको छ ।
कैलाश विकास बैंकको २५ प्रतिशत बोनस सेयर पारित, अध्यक्षमा राजेन्द्र गिरी चयन
काठमाडौं, २ माघ । कैलाश विकास बैंक लिमिटेडको २५ प्रतिशत बोनस सेयर पारित भएको छ । उक्त प्रस्तावलाई बैंकको २३ औं वार्षिक साधारण सभाले पारित गरेको हो । सभाले आर्थिक वर्ष २०७२/०७३ को वासलात तथा सोही अवधिको नाफा नोक्सान हिसाव तथा नगद प्रवाह विवरण समेत पारित गरेको छ । सभाले संस्थापक समूहबाट राजेन्द्र गिरी, सुनिल नारायण श्रेष्ठ र नारायण पौडेल तथा सर्वसाधारण समूहबाट चिन्तामणी पाण्डे, उद्धब राज पुरी र कबिराज पौडेल गरी जम्मा ६ सदस्यीय संचालक समिति समेत निर्विरोध निर्वाचित गरेको छ । साथै, सोही दिन बसेको बैंक संचालक समितिको बैठकले राजेन्द्र गिरीलाई संचालक समितिको अध्यक्षमा सर्बसम्मत रुपमा चयन गरेको छ । सो मात्राको बोनस पश्चात संस्थाको बोनस सेयर जारी पश्चात चुक्ता पूँजी १ अर्ब ९७ करोड रुपैयाँ पुगेको छ । संस्थाले नेपाल धितोपत्र बोर्डबाट स्वीकृती प्राप्त गरेको २० प्रतिशत हकप्रद निष्काशन पश्चात संस्थाको चुक्ता पूँजी २ अर्ब २९ करोड रुपैयाँ पुग्नेछ । हालसम्ममा बैंकले १५ अर्ब ७६ करोड रुपैयाँ निक्षेप संकलन गरी १४ अर्ब ४८ करोड रुपैयाँ कर्जा परिचालन गरेको छ । संस्थाले विभिन्न जिल्लाका ३८ शाखा मार्फत इन्टरनेट बैंकिङ्ग, एसएमएस बैंकिङ्ग सुविधा सहित १७ वटा एटिएम मेशिन द्वारा आफ्नो सेवा प्रदान गर्दै आएको छ ।
फेवा विकास बैंकको २० दशमलब ६० प्रतिशत बोनस तथा मर्जर प्रस्ताव पारित
काठमाडौं, २ माघ । फेवा विकास बैंक लिमिटेले गत आर्थिक वर्षको मुनाफाबाट शेयरधनीहरुलाई चुक्ता पूँजीको २० दशमलब ६० प्रतिशत बोनस सेयर वितरण गर्ने प्रस्तावलाई पारित गरेको छ । बैंकको उक्त प्रस्तावलाई हालै सम्पन्न बैंकको नवौ वार्षिक साधारण सभाले पारित गरेको हो । साथै सभाले फेवा विकास बैंक लिमिटेड तथा गण्डकी विकास बैंक लिमिटेड एक आपसमा गाभ्ने/गाभिने(मर्ज गर्ने) सम्बन्धी विशेष प्रस्तावलाई समेत सर्वसम्मत रुपमा पारित गरेको छ । आर्थिक वर्ष २०७३/७४ को प्रथम त्रैमासिक वित्तीय विवरण अनुसार दुवै संस्थाको कुल चूक्ता पूँजी १ अर्व ८४ करोड रुपैयाँ रहेको छ । हाल बैंकको देशभर कुल ५० वटा शाखा कार्यालयहरु रहेका छन् । सभाले बैंकको केन्द्रिय कार्यालय नेपाल राष्ट्र बैंकको स्वीकृती लिई काठमाडौं महानगरपालिमा स्थान्तरण गर्ने एवं मर्जर पश्चात कायम हुने चुक्ता पूँजीको २५ प्रतिशत हकप्रद शेयर जारी गर्ने विशेष प्रस्ताव समेत पारित गरेको छ ।
सर्लाहीको लालबन्दीमा अर्घाखाँची सिमेन्टको विशेष भेटघाट
काठमाडौं, २ माघ । सर्लाहीको लालबन्दीमा अर्घाखाँची ओ.पी.सि. सिमेन्टले निर्माण मज्दुर मिस्त्री तथा निर्माण व्यवसायी संग विशेष भेटघाट कार्यक्रमको आयोजना गरेको छ । कार्यक्रममा निर्माण संवद्ध मिस्त्री , निर्माण ब्यवसायि र कम्पनीका कार्मचारी बिच अन्तरक्रिया गरेको हो । कार्यक्रममा कम्पनीका चिफ केमेस्टि राजु आनन्दले गुणस्तरिय भवन निर्माण गर्न गुणस्तरिय सामग्री आवश्यक रोहेको बताउदै अर्घाखाँची सिमेन्ट गुणस्तरको हिसावले उच्चकोटिको रहेको बताएका छन् । उनले ग्रेडको हिसावले अन्य सिमेन्तको तुलनामा अर्घाखाँची सिमेन्ट १५ देखी २० ग्रेड बढिको रहेको बताउदै यस्को प्रयोग गर्न आग्रह गरेका छन् ।
एक करोडमा तयार हुँदैछ धरहराको नयाँ डिजाइन, नेपाल टेलिकमले बनाउने पक्का
काठमाडौं, २ माघ । करिब एक करोड लागतमा धरहराको नयाँ डिजाइन तयार भैरहेको छ । गत बैशाख १२ गतेको भूकम्पले भत्काएको धरहराको नयाँ डिजाइन तयार पार्न पुरातत्व विभागले ९४ लाख ७९ हजार ४ सय ३६ रुपैंयाँ लागतमा केस कन्सल्टेन्टलाई जिम्मेवारी दिएको हो । केस कन्सल्टेन्टले यहि माघ २८ गते धरहराको फाइनल डिजाइन विभागलाई बुझाउने छ । ‘थपिएको जमिनलाई समेटेर माघ २८ गते नयाँ डिजाइन प्राप्त हुँदैछ’, पुरातत्व विभागका सिनियर डिभिजनल इञ्जिनियर सम्पत घिमिरेले विकासन्युजसँग भने । उनका अनुसार केस कन्सल्टेन्टले नै १६ लाख ९५ हजारमा ६ रोपनी क्षेत्रमा निर्माण गर्ने भनिएको धरहराको डिजाइन तयार पारेको थियो । अहिले त्यसमा २३ रोपनी ४ आना २ पैसा २ दाम जमिन थपिएको छ । २९ रोपनी ४ आना २ पैसा २ दाम क्षेत्रफलमा बनाईने नयाँ धरहराको डिजाइन पनि केस कन्सल्टेन्टले नै तयार पारिरहेको छ । नेपाल टेलिकमले बनाउने पक्का नयाँ धरहरा नेपाल टेलिकमले बनाउने पक्का भएको छ । प्रधानमन्त्री पुष्पकमल दाहालले केहि दिन अघि मात्रै सञ्चार सचिव र नेपाल टेलिकमको उच्च नेतृत्वसँग धरहरा बनाउनेबारे छलफल गरेका थिए । ‘प्रधानमन्त्रीले केहि दिन अघि मात्रै सचिवज्यु र टेलिकम नेतृत्वसँग छलफल गर्नुु भएको छ, अब धरहरा नेपाल टेलिकमले नै बनाउने पक्का भएको छ’, सञ्चार मन्त्रालयका प्रवक्ता रामचन्द्र ढकालले विकासन्युजसँग भने । उनका अनुसार धरहरा नेपाल टेलिकमले बनाउने भन्ने सैद्धान्तिक सहमति भएको छ र निर्माण तथा सञ्चालन मोडालीटी तयार गर्न समिति समेत गठन भएको छ । ‘धरहरा बनाउने तथा सञ्चालन गर्ने मोडालीटी तयार गर्न सञ्चार मन्त्रालय, पर्यटन मन्त्रालय र नेपाल टेलिकमको सहभागीतामा समित गठन भएको छ’, ढकालले भने । उता, नेपाल टेलिकमका सह प्रवक्ता सोभन अधिकारीले पनि धरहराको निर्माण नेपाल टेलिकमले गर्ने सैद्धान्तिक सहमति भएको र मोडालीटीबारे अध्ययन जारी रहेको बताए । धरहरा निर्माणका लागि करिब ३ अर्ब लागत अनुमान गरिएको छ । निर्माण, सञ्चालन तथा हस्तान्तरणको मोडालिटी के हुने भन्नेबारे हाल सुक्ष्म अध्ययन भैरहेको छ ।
संघाई समूहको व्यवसायिक यात्रा ओरालो लाग्यो, पवन संघाई, रतनलाल संघाई र उनका व्यापारिक साझेदार कालोसूचिमा पर्दै, के होला जनता बैंकको ऋण ?
काठमाडौं, २ माघ । औषधिको नाममा लागू औषध कारोबार गर्दागर्दै रतनलाल संघाई पक्राउ परेपछि संघाई समूहको व्यवसायिक यात्रा ओरालो लागेको छ । आर्या फर्माल्याव प्रालिको नाममा लिएको कर्जा भुक्तानी नगरेपछि यस कम्पनीको सञ्चालकहरुमा रतनलाल संघाई, रोहित हलान, मोहित हलान र कमल कुमार अग्रवाललाई कर्जा भुक्तानी गर्न जनता बैंक नेपालले सार्वजनिक सूचना प्रकाशन गरेको छ । ३५ दिनभित्र कर्जा भुक्तानी नगरेमा धितो लिलामी गर्ने, कर्जा सूचना केन्द्रमा कालोसूचिमा राख्ने, सम्पूर्ण कानुनी विधि प्रयोग गरेर बैंकको लिन बाँकी रकम असुल गर्ने बैंकले जनाएकोछ । रतनलालको साथै उनका भाई पवन कुमार संघाई, उनका व्यवसायिक साझेदारहरु शंकरलाल हलानका छोराहरु रोहित हलान, मोहित हलान, रतनलालका भतिज कमल कुमार अग्रवाललाई बैंकले कर्जा भुक्तानी गर्न सार्वजनिक रुपमा ताकेता गरेको छ । सम्बन्ध स्रोतका अनुसार आर्या फर्माल्याप प्रालिको नाममा जनता बैंकले करिव ४० करोड रुपैयाँ कर्जा लगानी गरेको छ । उक्त कर्जा असुली गर्न नेपाल राष्ट्र बैंकले ताकेता गरिहेको छ । यहि कर्जाको जोखिमसँग जोडेर राष्ट्र बैंकले जनता बैंकको बोनस प्रस्ताव स्वीकृत गरेको छैन । औषधिको नाममा लागूऔषध कारोबार गरेको पाईएपछि कम्पनीको कारोबार, बैंक खाता सबै रोक्का गरिएको छ । गत साउनयता कम्पनीले बैंकको किस्ता, व्याज भुक्तानी गरेको छैन । गत साउनमा लागूऔषध नियन्त्रण ब्युरोले रतनलाल संघाई र मोहित हलनलाई पक्राउ गरेपछि नेपाल राष्ट्र बैंकले कम्पनीका चार जना सञ्चालक सहित साक्षी बसेको पवनकुमार संघाईको बैंक खाता र लकर रोक्का गरिएको छ । पक्राउ परेका दुबै जना छुटेका छन् । पवनकुमार संघाई अहिले पनि फरार अभियुक्तको प्रहरी सूचिमा सूचिकृत छन् । उद्योग पुरै बन्द अवस्थामा छ । पवन संघाईसँगै पूर्व सभासद् मधुसुधन अग्रवाल पनि फरार, कहाँ-कहाँ छ संघाई ग्रुपको बिजनेश कनेक्सन ?
माछापुछ्रे बैंकको हकप्रद सेयरको आज अन्तिम दिन
काठमाडौं २, माघ । माछापुछ्रे बैंकको हकप्रद सेयर निस्काशन आजबाट बन्द हुने भएको छ । बैंकले २ बराबर एक सेयरको आवेदनका लागि गत कात्तिक ७ गते दर्ता किताब बन्द गरेको थियो । यो बैंकले एक सय रुपैयाँ अंकित १ करोड ९३ लाख २२ हजार ७ सय कित्ता सेयरको हकप्रद निस्कासन गरेको थियो । यो बैंकले हकप्रद सेयरको आवेदन आज अन्तिम दिन रहेको सूचना सार्वजनिक गरेको छ ।
