स्वचलित कारमा गेम चेन्जरः अब कार आफै सोचेर चल्ने, एनभीडीयाको सफ्टवेयर सार्वजनिक
काठमाडौं । एनभीडीयाले सोमबार कृत्रिम बौद्धिकता (एआई) का नयाँ ‘रिजनिङ’ (तर्क–आधारित) प्रविधि प्रयोग गरेर स्वचालित सवारीसाधन विकासलाई तीव्र बनाउने उद्देश्यले नयाँ खुला स्रोत सफ्टवेयर सार्वजनिक गरेको छ । एनभीडीया अहिले विश्वकै सबैभन्दा धेरै मूल्यवान कम्पनी बनेको छ, किनकि यसको चिपहरू एआई विकासको मुख्य प्रवाहमा पुगेका छन् । तर कम्पनीले खुला स्रोत एआई कोड सार्वजनिक गर्ने ठूलो सफ्टवेयर अनुसन्धान इकाइ पनि सञ्चालन गर्छ, जसलाई पलान्टिर टेक्नोलोजीजजस्ता कम्पनीहरूले अपनाउन सक्छन् । सोमबार एनभीडीयाले स्वचालित सवारीसाधनहरूका लागि अल्मायो– आरवान सार्वजनिक गर्यो । यो सफ्टवेयरलाई ‘भिजन–ल्याङ्गवेज–एक्सन’ एआई मोडेल भनिन्छ, जसको अर्थ सवारीसाधनका सेन्सरहरूले सडकमा देखेको दृश्यलाई प्राकृतिक भाषामा वर्णनमा रूपान्तरण गर्छ । पेरुको कठिन आरोहणका लागि चिनिने एक डाँडाको नामबाट राखिएको अल्मायो मोडेलको विशेषता भनेको यसले आफ्नो बाटोको योजना बनाउँदा आफैसँग ‘निकै सोच्ने’ अर्थात् ‘थिंक–अलाउड’ क्षमता राख्छ । उदाहरणका लागि यदि कारले साइकल लेन देख्यो भने यसले लेन देखेको र आफ्नो मार्ग समायोजन गर्दै गरेको विवरण आफैलाई बताउँछ । पहिलेका धेरै स्वचालित सवारी सफ्टवेयरहरू कारले किन मार्ग रोज्यो भन्ने विषयमा सीमित व्याख्या दिन्थे, जसले इन्जिनियरहरूले समस्या पहिचान गर्न र सुरक्षित बनाउन कठिन पार्थ्यो । यसलाई खुला (ओपन–सोर्स) बनाउने प्रमुख उद्देश्यहरूमध्ये एक भनेको विकासकर्ता र अनुसन्धानकर्ताहरूले यी मोडेलहरू कसरी काम गर्छन् भन्ने बुझून् र उद्योगका रूपमा हामीले मूल्यांकनका साझा मानकहरू विकास गर्न सकौं भन्ने हो,’ स्वचालित सवारीसाधन सिमुलेशनका उत्पादन मार्केटिङ प्रबन्धक केटी वासाबघले रोयटरसँग भनिन् ।
देशभर १७ सेवा केन्द्रसहित फोटोनको ‘टोटल केयर’ सेवा विस्तार
काठमाडौं । फोटोनले ग्राहकको विश्वासलाई अझ सुदृढ बनाउन ‘फोटोन टोटल केयर’ सेवा विस्तार गर्दै नेपालभर आफ्टर–सेल्स सञ्जाललाई मजबुत बनाएको छ । बिक्रीपछिको सम्पूर्ण सेवा समेटिने यस कार्यक्रममार्फत कम्पनीले गाडी खरिदपछि दीर्घकालीन सहयोग उपलब्ध गराउने लक्ष्य राखेको छ । फोटोनले देशभर १७ वटा सेवा केन्द्र सञ्चालनमा ल्याइसकेको छ, जसले शहरदेखि ग्रामीण बस्तीसमेतका ग्राहकलाई सहज र भरपर्दो सेवा उपलब्ध गराउँदै आएको छ । प्रशिक्षित प्राविधिक, छिटो सेवा र जेन्युइन स्पेयर पार्ट्सको पहुँचले ब्रान्डप्रति उपभोक्ताको विश्वास बढेको कम्पनीको दाबी छ । ‘फोटोन टोटल केयर प्रमिस’ अन्तर्गत ग्राहकले भरपर्दो मर्मत तथा सर्भिस, जेन्युइन पार्ट्स, वारेन्टी, रोडसाइड असिस्टेन्स र डेडिकेटेड कस्टमर केयरसमेत एकै स्थानबाट पाउन सक्छन् । यसले सवारी साधनको डाउनटाइम घटाउने, दक्षता बढाउने र व्यवसायिक प्रयोजनका गाडी प्रयोगकर्तालाई मानसिक शान्ति दिलाउने कम्पनीको विश्वास छ । फोटोन गाडीका लागि विशेष तालिम प्राप्त प्राविधिक र १०० प्रतिशत जेन्युइन पार्ट्स प्रयोगसँगै कम्पनीले गाडीको आयु, सुरक्षा र टिकाउपनामा विशेष ध्यान दिएको जनाएको छ । ग्राहकमैत्री पहलहरूसँगै फोटोनले सर्भिस क्याम्प, क्विक–रेस्पोन्स हेल्पलाइन र नियमित फलो–अपमार्फत सेवा प्रभावकारी बनाउँदै आएको छ । अगस्ट १० देखि सेप्टेम्बर अन्त्यसम्म सञ्चालन गरिएको ‘मेगा मनसुन सर्भिस क्याम्प’ पनि कम्पनीको प्रमुख गतिविधिमध्ये एक थियो, जसमा देशभर चेकअप, सर्भिस सपोर्ट र विशेषज्ञ परामर्श प्रदान गरिएको थियो । फोटोनले ‘टोटल केयर’ कार्यक्रममार्फत विश्वसनीय सेवा, उच्च गुणस्तर र छिटो उपलब्धतासहित उपभोक्तालाई निरन्तर सहयोग पुर्याउने प्रतिबद्धता व्यक्त गरेको छ ।
टाटा टियागो ईभीमा अफर : बाली भ्रमण र आइफोन १७ पाइने
काठमाडौं । टाटा मोटर्सका लागि नेपालको आधिकारिक वितरक सिप्रदी ट्रेडिङ प्रालिले टाटा टियागो ईभीका लागि आकर्षक योजना सार्वजनिक गर्दै 'ग्रेटेस्ट अफर अल टाइम' अफर घोषणा गरेको छ । यस अफरमार्फत ग्राहकले सवारी खरिद गर्दा आकर्षक पुरस्कार, ठूलो नगद छुट तथा प्रिमियम सेवाहरू प्राप्त गर्न सक्नेछन् । अफरअन्तर्गत ग्राहकले तीन उत्कृष्ट उपहार विकल्पमध्ये कुनै एक रोज्न सक्नेछन् । जोडीका लागि बाली भ्रमण, आइफोन १७ प्रो म्याक्स वा सबैभन्दा ठूलो नगद छुट रोज्न सक्नेछन् । साथै, योजनामा सर्वश्रेष्ठ एक्सचेन्ज मूल्य, जीवनभरका लागि डीसी फास्ट चार्जिङ सुविधा, एक वर्षको सवारी कर, निःशुल्क एसेसरिज, तथा फ्री होम चार्जर इन्स्टलेसन जस्ता सुविधाहरू समावेश रहेको कम्पनीले जनाएको छ । कम्पनीका अनुसार यी सुविधाले ग्राहकलाई थप सहज, भरपर्दो र आधुनिक इभी अनुभव प्रदान गर्नेछ । नेपाली बजारमा लोकप्रिय टाटा टियागो ईभी आफ्नो आधुनिक डिजाइन, उत्कृष्ट प्रदर्शन र किफायती सञ्चालन खर्चका कारण धेरै ग्राहकको प्राथमिकता बनेको छ । टियागो ईभीको सुरूवाती मूल्य २७ लाख ४९ हजार रुपैयाँ तोकिएको छ ।
