काठमाडौँ । प्यासिफिक एसिया ट्राभल एशोसिएसन (पाटा) नेपाल च्याप्टरले लुम्बिनीस्थित बुद्धमाया गार्डेन होटलमा ‘स्मार्ट प्राक्टिसेस फर म्यानेजिङ्ग होटल’ शीर्षकमा एक हप्ते मानव संशाधन तथा जनशक्ति विकास तालिम कार्यक्रम सम्पन्न गरेको छ ।

पाटा नेपाल च्याप्टरद्वारा स्थापित ‘पाटा स्कुल अफ हस्पिटालिटी’ ले नेपाल पर्यटन बोर्ड, रेसिडेन्सी होटल एकेडेमी र बुद्धमाया गार्डेनको सहकार्य तथा सहयोगमा आयोजना गरेको यस कार्यक्रममा लुम्बिनी क्षेत्रमा रहेका १७ वटा विभिन्न होटल तथा रेस्टुरेन्टहरुबाट ३४ जना होटल व्यवसायी तथा कर्मचारीहरुले उत्साहजनक सहभागिता जनाउँदै तालिम प्राप्त गरेका छन् ।

यही जुलाई १ देखि ६ सम्म लुम्बिनीमा सम्पन्न उक्त कार्यक्रम लुम्विनी क्षेत्रका होटलहरुमा आवद्ध जनशक्तिको ज्ञान, सीप र क्षमता अभिवृद्धि गराउने तथा सेवामा स्तरोन्नति एवम् सदुढीकरण गर्दै दिगो तथा जिम्मेवार पर्यटन विकासमा सहयोग पु¥याउने उद्देश्यका साथ आयोजना गरिएको जनाइएको छ ।

कार्यक्रममा होटल व्यवसाय सफल रुपमा सञ्चालनका लागि आधारभूत, नवीनतम तथा सफल अभ्यासहरु अन्तर्गत फ्रन्ट अफिस, हाउस किपिङ्ग, फुड प्रोडक्सन तथा सर्भिस (सेवा) ब्यवस्थापन का पक्षहरु, सीप र व्यक्तित्व विकास लगायत प्रभावकारी मेनु इन्जिनियरिङ्ग , स्रोतहरुको अधिकतम उपयोग, फोहर ब्यवस्थापन इत्यादि विषयमा प्रशिक्षण गराइएको थियो ।

पाटा नेपाल च्याप्टरका कार्यसमिति सदस्य एवम पाटा स्कुल अफ अस्पिटालिटी संयोजक खेम लकाईले कार्यक्रमको समापन समारोहमा कुनै पनि संस्था र राज्यको विकासमा जनशक्तिहरुको महत्वपूर्ण एवम् सर्वोच्च योगदान रहने तथा पर्यटनक्षेत्रमा जनशक्तिका लागि प्रचूर सम्भावना र अवसरहरु रहेको बताउँदै सहभागीहरुलाई प्रेरित गरेका थिए ।

सम्बन्धित शिषर्कहरु

टीभीएस आईक्यूब २.२ किलोवाट आवर भेरिएन्ट सार्वजनिक, ६ आकर्षण कलरमा उपलब्ध

बागबजारमा सुट मेला, भाग्यमानीलाई दुबई र थाइल्याण्ड घुम्ने अवसर  

मूल्यवृद्धि अझै ४.८२ प्रतिशत, सुदूरपश्चिम प्रदेशमा सबैभन्दा धेरै महँगी

बढ्यो सुनको मूल्य, कतिमा भइरहेको छ कारोबार ?

युनिलिभरको नाफा साढे ५२ करोड रुपैयाँ, सञ्चित नाफा ५ अर्ब २८ करोड पुग्यो

चितवन, पोखरा र लुम्बिनीमा ‘फूड एण्ड बेभरेज हस्पिटालिटी’ प्रदर्शन हुँदै, ७ सयभन्दा बढीले भिजिट गर्ने