काठमाडौं । सेन्ट्रल फाईनान्स नारायणगढले ग्यास चुलो तथा ग्यास सिलिण्डर वितरण गरेको छ । सेन्ट्रल फाईनान्स् नारायणगढ शाखाले सोमबार ग्यास चुलो तथा ग्यास सिलिन्डर वितरण कार्यक्रम गरेको हो ।

संस्थागत सामाजिक उत्तरदायित्व कार्यक्रम अन्तर्गत तनहुँको देवघाटधाम स्थित श्रीहरिहर–संन्यास–आश्रममा उक्त कार्यक्रम गरिएको हो । कार्यक्रममा संस्थाको तर्फबाट शाखा प्रमुख मधु सुधन पौड्यालले सेन्ट्रल फाईनान्सले देशको समग्र आर्थिक विकासमा पुर्याएको योगदानको बारेमा प्रकाश पार्दै उक्त आश्रमलाई २० थान ग्यास सिलिन्डर र १ थान ठूलो ग्यास चुलो हस्तान्तरण गरेका हुन् ।

कार्यक्रममा श्रीहरिहर–संन्यास–आश्रमका १००८ स्वामी ज्ञाननन्द सरस्वती महाराज र आश्रमका कक्षा ६ देखि १२ सम्म र बिद्यापिठ तहदेखी आचार्य तहसम्मका बिद्यार्थी र साधु, सन्त, ब्रम्ह्मचारी र अन्य पदाधिकारीहरू तथा सेन्ट्रल फाईनान्स् लिमिटेड, नारायणगढ शाखाका कर्मचारीहरूको उपस्तिथि रहेको थियो ।

नेपाल राष्ट्र बैंकबाट ‘ग’ वर्गको इजाजत पत्र प्राप्त वित्तीय संस्थाको रुपमा विगत २६ वर्षदेखि गुणस्तरीय बैंकिङ्ग सेवा दिंदै आएको यस संस्थाको कुपण्डोलस्थित केन्द्रीय कार्यालयसहित १९ वटा शाखा र भक्तपुरको सल्लाघारीमा एक (१) एक्सटेन्सन काउन्टर सञ्चालनमा रहेको छ ।

सम्बन्धित शिषर्कहरु

कृषि विकास बैंक शाखा कार्यालय मेलम्चीद्वारा सहयोग हस्तान्तरण

सिद्धार्थ बैंक र एनसीएचएलबीच अलिपे प्लसमार्फत नेपालपे क्यूआरमा अन्तरदेशीय भुक्तानी गर्ने सम्झौता

८.५ प्रतिशत ब्याज दिने वैदेशिक रोजगार बचतपत्र बिक्री गर्दै सरकार, चाहेको बेला बेच्न सकिने

मेरो माइक्रोफाइनान्सको अध्यक्ष बने पाण्डे र सञ्चालकमा मुलेपती

आइसीएफसी फाइनान्सका ग्राहकलाई वन्डरल्यान्ड नेपालमा १० प्रतिशत बोनस दिने

छिमेक लघुवित्त २४औं वर्षमा प्रवेश, गरिब महिलाको सशक्तिकरणमा समर्पित