काठमाडौं । नेपाली समयअनुसार आज विहान ६ बजे सम्ममा संसारभरीमा कोरोना भाइरस संक्रमितको संख्या ८९ लाख ६ हजार ६ सय ५५ पुगेको छ ।
कोरोना भाइरसबाट अहिलेसम्म ४ लाख ६६ हजार २ सय ५३ जनाको मृत्यु भइसकेको छ भने ४७ लाख ३३ हजार १८ जना चाहिँ निको भएर घर फर्किसकेका छन् ।
कोरोनाबाट सबैभन्दा बढि शिकार अमेरिकाका जनता भएका छन् । जहाँ १ लाख २१ हजार ९ सय ७९ जनाको मृत्यु भइसकेको छ । त्यहाँको कूल संक्रमित संख्या भने २३ लाख ३० हजार ३ सय ११ रहेको छ ।
त्यसैगरी छिमेकी मुलुक भारतमा कूल संक्रमितको संख्या ४ लाख ११ हजार ७ सय २७ पुगेको छ भने अहिलेसम्म १३ हजार २ सय ७७ जनाको मृत्यु भइसकेको छ ।
नेपालमा अहिलेसम्म ८ हजार ६ सय ५ जना संक्रमित भएका छन् भने २२ जनाको मृत्यु भइसकेको छ । त्यसैगरी १ हजार ५ सय ७८ जना चाहिँ निको भएर घर फर्किसकेका छन् ।
(तथ्यांक साभारः वल्डोमिटर)
