काठमाडौं । नेपाल धितोपत्र बोर्ड (सेबोन)ले नेपाल स्टक एक्सचेञ्ज (नेप्से)मा सूचीकृत ८८ कम्पनीलाई कारवाही गरेको छ । समयमा वित्तीय विवरण पेश नगर्ने सूचीकृत ८८ कम्पनीलाई कारवाही गरेको बोर्डले जनाएको छ ।
धितोपत्र दर्ता तथा निष्काशन नियमावली, २०७३ को नियम २६ को उपनियम (१) बमोजिम आर्थिक वर्ष २०७९÷८०को चौथो त्रैमासिक विवरण बोर्डमा ढिलो बुझाउने तथा नबुझाउने संस्थाहरुलाई जरिवना गरिएको बोर्डले बताएको छ ।
बोर्डको गत कात्तिक २० गते बसेको सञ्चालक समितिको बैठकले समयमा वित्तीय विवरण पेश नगर्ने सूचीकृत कम्पनीलाई स्पष्टिकरण सोधेको थियो ।
बोर्डले ढिलो विवरण बुझाउने ६९ वटा कम्पनीलाई ५० हजार रुपैयाँ जरिवाना र वित्तीय विवरण नबुझाएका १९ कम्पनीलाई १ लाख रुपैयाँ जरिवाना गरेको हो । सेबोनले यी कम्पनीलाई कारवाही वापत ५३ लाख ५० हजार रुपैयाँ जरिवाना असुल गर्नेछ ।
[pdf id=448694]
