काठमाडौं । हङकङले नेपाल एयरलाइन्सलाई कारबाही गरेको छ । हङकङले नेपाल एयरलाइन्सलाई १५ दिनका लागि उडानमा प्रतिबन्ध लगाएर कारवाही गरेको हो ।
हवाई सेवा उडानमा ३ देखि १५ डिसेम्बरसम्म उडानमा प्रतिबन्ध लगाएको बताइएको छ । नेपाल एयरलाइन्सको जहाजमार्फत हङकङ पुगेको यात्रुमा कोराना पोजेटिभ देखिएको भन्दै उडानमा प्रतिबन्ध लगाएको हो ।
पछिल्लो पटक नेपाल एयरलाइन्सको जहाजमार्फत हङकङ पुगेको ६ जना यात्रुमा कोरोना देखिएको थियो। ६ जना यात्रुमा कोरोना देखिएसँगै हङकङले फेरि १५ दिनका लागि नेपाल एयरलाइन्सको उडानमा प्रतिबन्ध लगाएको हो ।
