काठमाडौं । नेपाल लाइफ इन्स्योरेन्स कम्पनीले पोखरामा १८ करोड ११ लाख २५ हजार रुपैयाँ बराबरको घरजग्गा किनेको छ । कम्पनीले पोखराको न्यूरोडमा २ वटा घरसहित २९९ वर्ग मिटर क्षेत्रफलको जग्गा खरिद गरेको हो ।
जसमा ८३ लाख २५ हजार रुपैयाँ रजिष्ट्रेशन शुल्क पनि जोडिएको इन्स्योरेन्सले जनाएको छ ।
कम्पनीले आफ्नो व्यवसायिक एवं कार्यालय प्रयोजनको लागि घरजग्गा खरिद गरेको इन्स्योरेन्सका कम्पनी सचिव विनोदकुमार भुजेलले जानकारी गराएका छन् । इन्स्योरेन्सले सञ्चालक समितिको निर्णय र बीमा समितिको स्वीकृति अनुसार उक्त स्थानमा घरजग्गा जोडेको समेत उनले बताए ।
