काठमाडौं । मुक्तिनाथ विकास बैंकले १९.२१ प्रतिशत लाभांश दिने भएको छ । बुधबार बैंक सञ्चालक समितिले गत वर्षको नाफाबाट १८.२५ प्रतिशत बोनस सेयर र ०.९६ प्रतिशत नगद लाभांश दिने निर्णय गरेको छ ।
बैंकको सेयर पुँजी २ अर्ब ५९ करोड १७ लाख रुपैयाँ छ । गत वर्षको नाफाबाट ४९ करोड ७८ लाख रुपैयाँ लाभांश बाड्न लागको बैंकले जनाएको छ ।
सञ्चालक समितिको प्रस्ताव राष्ट्र बैंकबाट स्वीकृत भई साधारणसभाबाट पास भएपछि सेयरधनीले उक्त बोनस सेयर पाउने छन् ।
बुधबार बैंकको सेयर प्रतिकित्ता ४१० रुपैयाँमा कारोबार भएको छ । बोनस सेयरको घोषणासँगै विहीबार सेयर मूल्य बढेको छ ।
