काठमाडाैं । नेपाल स्टक एक्स्चेञ्ज(नेप्से)मा थप २ खर्ब ९ अर्ब ४४ करोड रुपैयाँ बराबरको धितोपत्र सूचीकृत भएका छन् । नेपाल राष्ट्र बैंकका अनुसार चालु आर्थिक वर्ष २०७७/७८ को सात महिना अर्थात माघ मसान्तसम्ममा साे परिणामकाे धितोपत्र नेप्सेमा सूचीकृत भएकाे हाे ।
जसमध्ये १ खर्ब ५० अर्ब रूपैयाँ बराबरको विकास ऋणपत्र, ३५ अर्ब ३७ करोड रुपैयाँ बराबरको साधारण सेयर(आईपीओ), १३ अर्ब ७१ करोड बराबरको बोनस सेयर, ७ अर्ब रुपैयाँ बराबरको डिबेन्चर २ अर्ब ७१ करोड रुपैयाँ बराबरको हकप्रद सेयर र ६५ करोड रुपैयाँ बराबरको म्युचुअल फण्ड नेप्सेमा सूचीकृत भएका हुन् ।
समीक्षा अवधिमा नेपाल धितोपत्र बोर्डले २५ अर्ब ३ करोड रूपैयाँ बराबरकाे धितोपत्र निष्काशन गर्न अनुमति दिएको छ ।
जसमध्ये १० अर्ब ९३ करोड रूपैयाँ बराबरको साधारण सेयर, १० अर्ब ६४ करोड रूपैयाँ बराबरको डिबेन्चर, १ अर्ब ९६ करोड रूपैयाँ बराबरको हकप्रद सेयर र १ अर्ब ५० करोड रूपैयाँ बराबरको म्युचुअल फण्ड रहेका छन् ।
