काठमाडौं । मानुषी लघुवित्त वित्तीय संस्थाको आईपीओ बाँडफाँड भएको एक महिनापछि सूचीकृत भएको छ । गत भदौ ७ गते बाँडफाँड भएको कम्पनीको आईपीओ असोज १० गते नेपाल स्टक एक्स्चेञ्ज (नेप्से)मा सूचीकृत भएको हो ।
संस्थाको कूल १० लाख ९३ हजार ७५० कित्ता साधारण सेयर नेप्सेमा सूचीकृत भएको हो । यससँगै उक्त सेयर असोज ११ गते सोमबारदेखि दोश्रो बजारमा किनबेच गर्न पाइने छ ।
संस्थाको पहिलो सेयर कारोबारको लागि नेप्सेले न्यूनतम १३२.६९ देखि अधिकतम ३९८.०७ रुपैयाँ ओपनिङ्ग रेञ्ज तोकेको छ । यससँगै उक्त रेञ्ज भित्र रहेर कम्पनीको पहिलो सेयर कारोबार हुने छ ।
नेप्सेले संस्थाको स्टक सिम्बोल ‘एमएलबीएस’ तोकेको छ ।
कम्पनीले साउन २७ गतेदेखि ३१ गतेसम्म ३ करोड ९३ लाख रुपैयाँ बराबरको आईपीओ जारी गरेको थियो ।
