काठमाडौं । सरकारले ६ सय ३५ मेगावाट उत्पादन क्षमताको दूधकोशी जलाशययुक्त जलविद्युत् आयोजना र १ हजार ६१ मेगावाटको माथिल्लो अरुण जलविद्युत् आयोजना आगामी आर्थिक वर्षबाटै कार्यान्वयन मै लैजाने भएको छ ।
आइतबार संसदमा प्रस्तुत भएको बजेट वक्तव्यअनुसार यी आयोजनाहरुको प्रारम्भिक चरणका कामहरु शुरु गर्नका लागि बजेट छुट्याइएको छ ।
‘माथिल्लो अरुण जलविद्युत् आयोजनाको लागि १ अर्ब र दूधकोशी जलाशययुक्त जलविद्युत् आयोजनाका लागि ९४ करोड रुपैया बराबर विनियोजन गरिएको छ,’ बजेट वक्तव्यमा भनिएको छ, ‘जलविद्युत् आयोजना छनौट गर्दा अब कम्तीमा ५० प्रतिशत जलाशय र अर्ध जलाशययुक्त आयोजना रहनेछन् ।’
