काठमाडौं । आदर्श लघुवित्त वित्तीय संस्थाको २ लाख ७ हजार कित्ता साधारण सेयर (आईपीओ) नेप्सेमा सूचीकृत भएको छ । हालै सर्वसाधारणमा निष्काशन गरी बाँडफाँड पश्चात कम्पनीको सो मात्राको सेयर साउन २ गते सोमबार नेप्सेमा सूचीकृत भएको हो ।
यससँगै संस्थाको उक्त सेयर मंगलबार (साउन ३ गते) देखि दोश्रो बजारमा किनबेच हुने छ । जसको लागि कम्पनीको सिम्बोल ‘एडीएलबी’ दिइएको छ ।
नेप्सेले लघुवित्तको पहिलो कारोबारको लागि न्युनतम प्रतिकित्ता १२२.८८ रुपैयाँ र अधिकतम ३६८.६४ रुपैयाँ तोकेको छ । यससँगै मंगलबारको कारोबारमा संस्थाको सेयर उक्त रेञ्जभित्र रहेर पहिलो कारोबार हुने छ ।
साथै, कम्पनीले सेयर सम्बन्धी कारोबारको अभिलेख राख्ने, दाखिल खारेज, नामसारी, रोक्का राख्ने लगायत सेयरधनीहरुको लगत अद्यावधिक गरी राख्ने सम्पूर्ण कार्यको लागि बिओके क्यापिटल मर्चेन्टलाई सेयर रजिष्ट्रार नियुक्त गरेको छ ।
