काठमाडौं । तिहार र छठपछि सोमबार खुलेको सेयर बजार १६.३९ अंकले बढेको छ । नेपाल स्टक एक्सचेन्जको अनुसार सोमबार १६.३९ अंकले सेयर बजार बढ्दा नेप्से १८७४.७४ विन्दुमा पुगेको छ ।
यसरी सेयर बजार बढ्दा सयपत्री हाइड्रोपावरको सेयर मूल्यमा सकारात्मक सर्किट लागेको छ । सर्किट लागेको सयपत्री हाइड्रोपावरको सेयर मूल्य २८.५० रुपैयाँले बढेको छ ।
नेपाल स्टक एक्सचेन्जको अनुसार सोमबार २५ लाख ७४ हजार ९७५ कित्ता खरिद बिक्री हुँदा ६९ करोड ७३ लाख १७ हजार ६१३ रुपैयाँको कारोबार भएको छ जसमा सबैभन्दा बढी वाणिज्य बैंकहरुको कारोबार भएको छ ।
वाणिज्य बैंकहरुमा सबैभन्दा बढी कारोबार हुनेमा एनआइसी एसिया बैंक, एभरेष्ट बैंक, नबिल बैंम र प्रभु बैंक रहेको छ ।
