काठमाडौं । नेपाल धितोपत्र बोर्ड (सेबोन)लाई नयाँ स्टक एक्सचेञ्ज, ब्रोकर कम्पनी र वस्तु विनिमय बजारको इजाजतपत्र (लाइसेन्स) वितरण गर्न बाटो खुलेको छ । सर्वोच्च अदालतले धितोपत्र बोर्डविरुद्ध परेको रिट खारेज गरेपछि नयाँ लाइसेन्स वितरण गर्न बाटो खुलेको हो ।
आइतबार अनिल कुमार सिन्हा र सुष्मालता माथेमाको संयुक्त इजलासले सेबोन विरुद्ध परेका रिट खारेज गरेको हो । यससँगै धितोपत्र बोर्डले नयाँ स्टक एक्सचेञ्ज, ब्रोकर कम्पनी र वस्तु विनिमय बजारका लागि छिट्टै लाइसेन्स खुलाउने भएको छ ।
गत असोज ३१ गते अधिवक्ता दिपक विक्रम मिश्रले नयाँ स्टक एक्सचेञ्ज, ब्रोकर र वस्तु विनिमय बजारलाई लाइसेन्स वितरण प्रक्रिया रोक्न माग गर्दै सर्वोच्च अदालतमा रिट दायर गरेका थिए ।
