काठमाडौं । क्रिकेट एसोसिएसन नेपालले आयोजना गर्न लागेको नेपाल र क्यानाडाबीचको द्विपक्षीय खेल डिशहोमको एक्सन स्पोर्ट एचडीवानमा प्रसारण हुने भएको छ ।
सो खेल यही फेब्रुअरीमा हुनेछ भने ओडीआईका खेलहरु टीयू इन्टरनेशनल क्रिकेट ग्राउण्डमा खेलिनेछ । यस खेलको प्रत्यक्ष प्रसारण एक्सन स्पोर्ट एचडीवान र डिशहोम गोबाट हुने डिशहोमले बताएको छ ।
एक्सन स्पोर्टले कास्कीको पोखरामा जारी २३ औं संस्करणको आहा रारा गोल्डकप फुटबल प्रतियोगिताको पनि प्रत्यक्ष प्रसारण गरेको हो ।
