काठमाडौं । भारतीय अर्बपति गौतम अडानीले नेतृत्व गरेको अडानी समूहले आर्थिक वर्ष २०२३/२०२४ मा करिब ६ खर्ब रुपैयाँ भारु कर तिरेको छ । यो समूहले सो आर्थिक वर्षमा ५ खर्ब ८१ अर्ब ४ करोड रुपैयाँ कर तिरेको हो ।
आर्थिक वर्ष २०२२÷२३ मा यस व्यावसायिक समूहले कुल ४ खर्ब ६६ अर्ब १० करोड रुपैयाँ कर सरकारलाई भुक्तान गरेको थियो । अडानी ग्रुपका अनुसार यसमा प्रत्यक्ष कर, अप्रत्यक्ष कर, र कर्मचारीहरूको सामाजिक सुरक्षामा गरिएको योगदान समेत समावेश गरिएको छ । अडानी भारतीय अर्बपतिमध्ये बढी कर तिर्नेमा पर्छन् ।
