सञ्चय र योगदानकर्ताको खातामा ईपीएफले जम्मा गर्यो साढे ५ अर्ब रुपैयाँ
काठमाडौं । कर्मचारी सञ्चय कोषले गत आर्थिक वर्ष २०८०/८१ मा आर्जन गरेको कुल मुनाफाबाट सञ्चयकर्ता तथा योगदानकर्ताहरूलाई करिब ५ अर्ब ३४ करोड रुपैयाँ मुनाफा व…
फेरि अख्तियारमा पुग्यो टेलिकमको बिलिङ विवाद, ‘निश्चित कम्पनीलाई ठेक्का दिन सेटिङ’
काठमाडौं । लामो समयदेखि विवादित विषयका रूपमा अगाडि बढिरहेको नेपाल टेलिकमको बिलिङको विषय फेरि विवादमा तानिने भएको छ । नेपाल टेलिकमले चैत ५ गते बि…
आगामी आर्थिक वर्षका लागि कोशी र मधेशमा बढी राजस्व बाँडफाँट, गण्डकी र सुदूरपश्चिममा न्यून
काठमाडौं । आगामी आर्थिक वर्ष २०८२/८३ को लागि नेपाल सरकारले प्रदेश सरकारलाई राजश्व बाँडफाँट बापत ७८ अर्ब ८ करोड ५० लाख रुपैयाँ दिने भएको छ । अर्थमन्त्राल…
राजावादी समर्थकहरूले तोडफोड गर्दा ५ करोडको बीमा दाबी, कुन कम्पनीमा कति ?
काठमाडौं । चैत १५ गते राजा वादी समर्थकहरूले गरेको आन्दोलनबाट क्षति हुँदा ५ करोड रुपैयाँको बीमा दाबी परेको छ । नेपाल बीमा प्राधिकरणले सार्वजनिक गरेको तथ्याङ्क अनुसार हुलदङ्गाको कारणले भएको क्षतिबाट ११ बीमा कम्पनीमा ४ करोड ८७ लाख ६८ हजार रुपैयाँ बराबरको बीमा दाबी परेको हो । साथै बीमा कम्पनीहरूमा ४३ वटा दाबी परेका छन् भने ३ वटा दाबीको भुक्तानी भइसकेको प्राधिकरणले जनाएको छ । ३ वटा बीमा दाबी बापत ४५ हजार रुपैयाँ भुक्तानी गरिएको हो । प्राधिकरणका अनुसार इन्जिनियरिङ तथा ठेकेदार जोखिम बीमाका ३७ लाख रुपैयाँको ३ वटा दाबी परेका छन् । मोटर बीमा (निजी)योजनामा १ करोड २९ लाख रुपैयाँ बराबरका २२ वटा दाबी परेका छन् । साथै उक्त बीमा योजनामा २ वटा बीमा लेखको ४३ हजार रुपैयाँ दाबी भुक्तानी गरिसकेको प्राधिकरणले जनाएको छ । यस्तै, सम्पत्ति बीमा योजनाका १६ वटा बीमालेखका ३ करोड ११ लाख ६६ हजार रुपैयाँ बराबरको दाबी परेको छ भने विविध तर्फ २ वटा दाबीको १० लाख १ हजार रुपैयाँको दाबी परेको छ । राज वादी आन्दोलनबाट भएको क्षतिमा सबैभन्दा धेरै दाबी राष्ट्रिय बीमा कम्पनीमा परेको छ ।
१८ दिन बितिसक्दा पनि अगाडि बढेन नागढुंगा सुरुङमार्गको निर्माण कार्य
काठमाडौं । नागढुंगा सुरुङमार्गको निर्माण कार्य ठप्प भएको १८ दिन भइसकेको छ। स्थानीयको आन्दोलनका कारण नागढुंगा सुरुङमार्गको निर्माण कार्य अझै सञ्चालनमा आउन नसकेको नागढुंगा सुरुङ मार्ग आयोजनाले जनाएको छ । स्थानीयहरूले विभिन्न ८ वटा माग राख्दै सुरुङमार्गको निर्माण क्षेत्रमा धर्नासहित आन्दोलन गर्दै आएका थिए ।आयोजना प्रमुख सञ्जय पन्थीका अनुसार स्थानीयहरूले सुरुङमार्गको निर्माण कार्य सुरु भएयता १०-१२ पटक आन्दोलन गर्दै आएका छन् । निर्माण कार्य विगत १८ दिनदेखि बन्द अवस्थामा रहेको उनले जानकारी दिए । आन्दोलनका कारण टनेलमा जारी रहेको भुइँ ढलान, एप्रोच सडक, फ्लाई ओभर, पहिरो नियन्त्रणको लागि वालिङ्ग (ल्याण्ड साइड प्रोटेक्सन) उठाउने कामलगायत सडकको निर्माण कार्य पूर्णरूपमा ठप्प रहेको उनको भनाइ छ । उनले भने, ‘हामीले हाम्रोतर्फबाट हुने सबै प्रयास गर्याैं । तर पार लागेन । हामीले निर्माण कार्य सुचारु गराउन सकेनौं । आज निर्माण कार्य बन्द भएको १८ दिन भइसक्यो । अब सरकारले नै मिलाउँला ।’ स्थानीयहरूले ८ वटै मागहरू पूरा गर्नुपर्ने भन्दै अडान गरिरहेका प्रमुख पन्थीले बताए।स्थानीयहरुको आन्दोलनका कारण निर्माण कार्य बन्दा हुँदा जापनिज कम्पनीको हाजमा एण्डो कर्पोरेशनले दैनिक ५० लाख रुपैयाँको दरले क्षति भएको भन्दै आयोजनासँग १८ दिनको ९ करोड रुपैयाँ हर्जना माग गरेको आयोजनाले जनाएको छ । प्रमुख पन्थीले स्थानीयहरूले दीर्घकालीन रूपमा निः शुल्क खानेपानीको व्यवस्था गर्नुपर्ने, भत्काइएका घरको क्षतिपूर्ति दिनुपर्ने, आयोजनामा स्थानीयहरूलाई रोजगारी दिनुपर्नेलगायतका मागहरू अघि सार्दै आएको बताए । उनले भने, ‘हामीले पटक-पटक समय दिनूहोस्, समाधान गरौंला भन्यो तर उनीहरूले मानेन । यसै वर्षभित्र काम सक्ने भनेका थियौं । यी नै बाधा अवरोध कारण काममा ढिलो भइरहेको छ ।’ उक्त आयोजनामा १५ जापानीसहित ३ सय नेपाली काम गरिरहेको आयोजनाले बताएको छ । खानेपानीका लागि पहल भइरहेको जानकारी दिए । उनका अनुसार खानेपानी मन्त्रालयबाट उक्त ठाउँमा आयोजना सिफारिस भइसकेको छ । स्थानीयहरूले खानेपानी मात्रै नभएर अरू विभिन्न मागहरूको पनि जिम्मा लिनुपर्ने अडान लिँदै आएका छन् । उनीहरूले आफ्ना माग सरकारले सम्बोधन नगरेसम्म आन्दोलन जारी रहने चेतावनी दिँदै आएका छन् ।
साल्ट ट्रेडिङकी सीइओ श्रेष्ठले पाइन् नेपाल व्यवस्थापन संघको ‘म्यानेजर अफ द इयर’ अवार्ड
काठमाडौं । साल्ट ट्रेडिङकी प्रमुख कार्यकारी अधिकृत (सीईओ) उर्मिला श्रेष्ठले ‘म्यानेजर अफ द इयर’ अवार्डबाट सम्मानित भएकी छन् । नेपाल व्यवस्थापन संघको ४४ औं वार्षिक साधारणसभा तथा राष्ट्रिय व्यवस्थापन सम्मेलनमा श्रेष्ठलाई उक्त अवार्डले सम्मान गरिएको हो । नेपाल व्यवस्थापन संघले हरेक वर्ष उक्त अवार्ड प्रदान गर्दै आएको छ । साल्ट ट्रेडिङ कर्पोरेसनमा रहेर देशभर नुन वितरणको राष्ट्रिय जिम्मेवारी पूरा गर्नुका साथै व्यापार विविधिकरणमार्फत साल्ट ट्रेडिङको वित्तीय दिगोपना एवं सामाजिक कल्याणमार्फत उदाहरणीय योगदान पुर्याउँदै आएकाले श्रेष्ठलाई सम्मान गरेको संघले जनाएको छ । श्रेष्ठ सन् २००७ यता (सीईओ) रहेर काम गरिरहेकी छिन् । उनले ३७ वर्ष साल्ट ट्रेडिङ कर्पोरेसनमा काम गरिसकेकी छन् ।
