निजामती विधेयक प्रकरण : सुशासन समितिका सभापति खतिवडाले दिए राजीनामा

काठमाडौं । प्रतिनिधिसभाको राज्य व्यवस्था तथा सुशासन समितिको सभापति पदबाट रामहरि खतिवडाले राजीनामा दिएका छन् ।

उनले मंगलबार संसदमा बोल्दै राजीनामाको घोषणा गरेका हुन् । 

खतिवडाले कुलिङ पिरियडमा आफ्नो कुनै स्वार्थ नभए पनि उच्च नैतिकताका आधारमा राजीनामा दिएको घोषणा गरे । 

उनले छानबिन समितिले समेत आफूलाई दोषी नठहराए पनि उच्च राजनीतिक संस्कार देखाउँदै  राजीनामा दिएको बताए ।