काठमाडौं । बैंक अफ काठमाण्डू लिमिटेडले दुई शाखा विस्तार गरेको छ । बैंकले धादिङको गल्छी र सिरहाको मिर्चैयामा दुई शाखाबाट बैंकिङ कारोबार सुरु गरेको छ ।
गल्छी शाखाको बैंकका संचालक राधेश पन्त तथा गल्छी गाउँपालिकाका अध्यक्ष कृष्णहरी श्रेष्ठले संयुक्त रुपमा उद्घाटन गरेका छन् ।
त्यस्तैगरी मिर्चैया शाखाको बैंकका संचालक गोविन्दप्रसाद शर्मा रेग्मी, मिर्चैया उद्योग वाणिज्य संघका अध्यक्ष हरिशंकर साहले उद्घाटन गरेका थिए ।
बैंकले ७७ शाखा, ६७ एटीएम र ८ वटा एक्टेन्सन् काउण्टर तथा १७ शाखा रहित बिन्दुहरुबाट सम्पूर्ण बैंकिङ्ग सेवा प्रदान गर्दै आइरहेको छ ।
